అఖిల్ నటించిన భారీ పాన్ ఇండియా మూవీ ‘ఏజెంట్’. ఈ చిత్రానికి సురేందర్ రెడ్డి దర్శకత్వం వహిస్తున్నారు. అనిల్ సుంకర ఈ చిత్రాన్ని నిర్మిస్తున్నారు. ఇందులో మమ్ముట్టి కీలక పాత్ర పోషిస్తుండడం విశేషం. అయితే.. ఈ సినిమా కోసం అక్కినేని అభిమానులు ఎప్పటి నుంచో ఎదురు చూస్తున్నారు. ఏజెంట్ మూవీ ఎప్పుడో విడుదల కావాలి కానీ.. కొన్ని కారణాల వలన వాయిదా పడుతూ వచ్చింది. ఇప్పుడు ఏప్రిల్ 28న ఏజెంట్ మూవీని భారీ స్థాయిలో రిలీజ్ చేసేందుకు ప్లాన్ చేస్తున్నారు.
ఇటీవల ఏజెంట్ ఫస్ట్ సింగిల్ రిలీజ్ చేశారు. ఈ సాంగ్ యూట్యూబ్ లో రికార్డ్ వ్యూస్ తో దూసుకెళుతుంది. ఈ సాంగ్ రిలీజ్ తర్వాత మళ్లీ ఎలాంటి అప్ డేట్ ఇవ్వలేదు. దీంతో అప్ డేట్స్ కోసం వెయిట్ చేస్తున్న ఫ్యాన్స్ కోసం అనిల్ సూపర్ అప్ డేట్ ఇచ్చారు. ప్రస్తుతం ఏజెంట్ మూవీ కోసం మస్కట్ లో ఫుల్ స్వింగ్ లో షూటింగ్ జరుగుతుందని తెలియచేశారు. ఈ షెడ్యూల్ తో ఏజెంట్ షూటింగ్ కంప్లీట్ అవుతుంది. ఓ వైపు షూటింగ్ జరుగుతూనే మరో వైపు పోస్ట్ ప్రొడక్షన్ వర్క్ జరుగుతుంది. అఖిల్ మార్కెట్ కు మంచి ఖర్చు పెట్టడంతో ఎలాంటి రిజెల్ట్ వస్తుందో అని అటు అభిమానులు, ఇటు ఇండస్ట్రీ జనాలు ఆసక్తిగా ఎదురు చూస్తున్నారు.
ఈ క్రేజీ మూవీని కేవలం తెలుగులో మాత్రమే కాకుండా ఇతర భాషల్లో కూడా పాన్ ఇండియా లెవెల్ లో విడుదల చేయాలని భావిస్తున్నారు. ఇండస్ట్రీలో అఖిల్ అడుగు పెట్టి చాలా కాలం అయ్యింది. భారీ కమర్షియల్ బ్లాక్ బస్టర్ కోసం అక్కినేని ఫ్యాన్స్ వెయిట్ చేస్తున్నారు. ఈ సినిమాతో అఖిల్ ఫ్యాన్స్ తో పాటు ప్రతి ఒక్కరు ఎదురు చూస్తున్న బ్లాక్ బస్టర్ ను దక్కించుకునే అవకాశాలు కనిపిస్తున్నాయి. మరి.. ఏజెంట్ బాక్సాఫీస్ దగ్గర ఏ రేంజ్ సక్సెస్ సాధిస్తుందో చూడాలి.
