ప్రభాస్ వరుసగా సినిమాలు చేస్తూ ఫుల్ బిజీగా ఉన్నారు. ఆదిపురుష్‌ మూవీ షూటింగ్ పూర్తి చేసుకుని పోస్ట్ ప్రొడక్షన్ వర్క్ జరుపుకుంటుంది.
ప్రశాంత్ నీల్ డైరెక్షన్ లో సలార్ మూవీ షూటింగ్ జరుపుకుంటుంది. నాగ్ అశ్విన్ డైరెక్షన్ లో ప్రభాస్ నటిస్తున్న అత్యంత ప్రతిష్టాత్మక చిత్రం ప్రాజెక్ట్ కే తో పాటు మారుతితో చేస్తున్న మూవీ కూడా షూటింగ్ జరుపుకుంటుంది. అర్జున్ రెడ్డి డైరెక్టర్ సందీప్ రెడ్డి వంగతో స్పిరిట్ అనే మూవీ చేయాల్సివుంది. ఇలా వరుసగా సినిమాలు చేస్తూ రెండు సంవత్సరాల వరకు ఖాళీ లేకుండా ఉన్న ప్రభాస్ మరో మూవీకి గ్రీన్ సిగ్నల్ ఇచ్చారని సమాచారం.
ఇంతకీ.. ఎవరితో అంటే.. బాలీవుడ్ డైరెక్టర్ సిద్ధార్థ్ ఆనంద్ డైరెక్షన్ లో మూవీ చేసేందుకు ప్రభాస్ ఓకే చెప్పారని తెలిసింది. ఈ భారీ పాన్ ఇండియా మూవీని ప్రముఖ నిర్మాణ సంస్థ మైత్రీ మూవీ మేకర్స్ నిర్మించనుంది. మైత్రీ సంస్థ ఈ విషయం పై ప్రకటన చేసింది. ఈ సంక్రాంతికి టాలీవుడ్‌ అగ్ర హీరోలు చిరంజీవి వాల్తేరు వీరయ్య, బాలకృష్ణ వీరసింహారెడ్డి సినిమాలు విడుదల చేసిన ఈ సంస్థ.. ప్రభాస్ సినిమాకు సంబంధించి క్లారిటీ ఇచ్చింది. సిద్ధార్థ ఆనంద్ దర్శకత్వంలో ప్రభాస్ సినిమా ఉంటుందని వెల్లడించింది.
మరిన్విని వరాలు త్వరలోనే అధికారికంగా వెల్లడిస్తామని తెలిపారు. ప్రస్తుతం సిద్ధార్థ్ ఆనంద్.. షారుఖ్ ఖాన్ తో రూపొందించిన పఠాన్‌ సినిమా 25న ప్రేక్షకుల ముందుకు రానుంది. ఈ మూవీ పై భారీ అంచనాలు ఉన్నాయి. ఈ సినిమా విజయం సాధిస్తే కనుక వెంటనే ప్రభాస్ సినిమా పై కూడా ప్రకటన వచ్చేసే అవకాశం వుంది. అయితే.. ఈ మూవీని ప్రకటించినప్పటికీ సెట్స్ పైకి వెళ్లడానికి టైమ్ పడుతుంది. మొత్తానికి ప్రభాస్ లైనప్ సూపర్ గా ఉంది. మరి.. ఈ సినిమాలతో ఏ రేంజ్ సక్సెస్ సాధిస్తారో చూడాలి.
