Bonanza offer: పెళ్లి సంద‌డి చిత్రంతో టాలీవుడ్ లో ఎంట్రీ ఇచ్చి.. తొలి చిత్రంతోనే త‌న అందం, అభిన‌యంతో ఆక‌ట్టుకున్న యువ క‌థానాయిక శ్రీలీల. తొలి ప్ర‌య‌త్నంలోనే విజ‌యం సాధించిన ఈ అమ్మ‌డు వ‌రుస‌గా అవ‌కాశాల‌ను అందిపుచ్చుకుంటుంది. మాస్ మ‌హారాజా ర‌వితేజ ధ‌మాకా చిత్రంలో న‌టించే ఛాన్స్ ద‌క్కించుకుంది. అలాగే నందమూరి బాల‌కృష్ణ సినిమాలో కూడా న‌టించే ఛాన్స్ ద‌క్కించుకుంద‌ని వార్తలు వ‌స్తున్నాయి. అయితే.. ఇప్పుడు శ్రీలీల బంప‌ర్ ఆఫ‌ర్ ద‌క్కించుకుంద‌ని టాలీవుడ్ లో టాక్ గ‌ట్టిగా వినిపిస్తోంది.
ఇంత‌కీ ఏంటా బంప‌ర్ ఆఫ‌ర్ అంటే.. పాన్ ఇండియా స్టార్ ప్ర‌భాస్ హీరోగా యంగ్ డైరెక్ట‌ర్ మారుతి ఓ సినిమా చేయ‌నున్నార‌ని వార్తలు వ‌స్తున్నాయి. ఈ సినిమాకి రాజా డీల‌క్స్ అనే టైటిల్ ఖ‌రారు చేశార‌ని ప్ర‌చారం జ‌రుగుతుంది. ఈ రొమాంటిక్ ఎంట‌ర్ టైన‌ర్ లో ప్ర‌భాస్ స‌ర‌స‌న ముగ్గురు హీరోయిన్స్ న‌టిస్తార‌ట. ఆ ముగ్గురు హీరోయిన్స్ లో ఒక హీరోయిన్ గా పెళ్లిసంద‌డి ఫేమ్ శ్రీలీల‌ను ఎంపిక చేశార‌ని తెలిసింది. ఇదే క‌నుక నిజ‌మైతే.. శ్రీలీల‌కు బంప‌ర్ ఆఫ‌రే.
