విజయ్ దేవరకొండకి ఇప్పుడు అత్యవసరంగా ఒక హిట్ పడాలి. ఎందుకంటే బ్లాక్ బస్టర్ అనే మాట అటుంచితే, అతను హిట్ అనే మాట వినే చాలాకాలమైంది. విజయ్ దేవరకొండ అభిమానులు ఆయన సినిమాను గురించి మాట్లాడుకునే చాలా రోజులైంది. అందువలన ఈ సారి ఆయన తప్పకుండా హిట్ కొట్టవలసిన పరిస్థితి ఏర్పడింది. ఆ ముచ్చట ‘ఫ్యామిలీ స్టార్’ సినిమాతో తీరుతుందని విజయ్ దేవరకొండ గట్టి నమ్మకంతో ఉన్నాడని అంటున్నారు. ఆయన అభిమానులు కూడా ఆ రోజు కోసమే వెయిట్ చేస్తున్నారు.
దిల్ రాజు నిర్మిస్తున్న ఈ సినిమాకి పరశురామ్ దర్శకత్వం వహిస్తున్నాడు. ‘గీత గోవిందం’ హిట్ తరువాత ఆ కాంబినేషన్లో రూపొందుతున్న సినిమా కావడంతో, అందరూ కూడా ఆసక్తితో ఉన్నారు. ‘గీత గోవిందం’ సినిమాను మ్యూజికల్ హిట్ గా నిలబెట్టిన గోపీసుందర్, ఈ సినిమాకి కూడా పనిచేస్తున్నాడు. బాణీలు బాగా కుదిరాయనే టాక్ ఇండస్ట్రీలో వినిపిస్తోంది. మృణాళ్ ఠాకూర్ కథానాయికగా నటిస్తున్న ఈ సినిమాను, ఏప్రిల్ 5వ తేదీన విడుదల చేయనునున్నారు.
టైటిల్ ను బట్టే ఇది యూత్ తో పాటు ఫ్యామిలీ ఆడియన్స్ కి కనెక్ట్ అయ్యే కంటెంట్ అని అర్థమవుతోంది. గతంలో చిరంజీవి చేసిన ‘గ్యాంగ్ లీడర్’ సినిమాకి ఈ కథకి కొన్ని పోలికలు ఉన్నాయనే ఒక టాక్ వినిపిస్తోంది. ఒకవేళ ఆ తరహా కథనే అయినా, ఆడియన్స్ నుంచి మంచి రెస్పాన్స్ వచ్చే అవకాశం పుష్కలంగా ఉంది. హిట్ ఫార్మేట్ .. అలాంటి కథల్లో ఉండవలసిన కొలతలైతే ఈ కథలో కనిపిస్తున్నాయి. ఈ సినిమాతో విజయ్ దేవరకొండకి హిట్ పడే అవకాశమైతే ఉంది.
