12.07.2026 నుంచి 18.07.2026 వరకు
Weekly Horoscope in Telugu:
మేషం (Aries):
పనుల పూర్తికి బాగా శ్రమించాల్సి వుంటుంది. బుద్ధి నిలకడగా ఉండదు. ఆర్థిక లావాదేవీల్లో ముఖ్యంగా స్థిరాస్తి వ్యవహారాల్లో తొందరపాటు నిర్ణయాలు వద్దు. సోదరవర్గం అండగా నిలవడం ధైర్యాన్నిస్తుంది. ఆత్మవిశ్వాసంతో కార్యాలను సాధించుకుంటారు. కుటుంబ సౌఖ్యం లభిస్తుంది. బంధువుల వ్యవహారాల్లో జోక్యం మంచిది కాదు. తల్లి ఆరోగ్యంపై శ్రద్ధ వహించండి. విరోధ స్వభావం వల్ల బంధుత్వాలు దెబ్బతినే పరిస్థితి వుంది. అవమానాలు మానసిక ఒత్తిడిని కలిగిస్తాయి. ఆత్మీయుల కలయిక నూతన ఉత్తేజాన్నిస్తుంది.
వృషభం (Taurus):
మీరు చేపట్టిన కార్యాలకు బంధువుల సహకారం లభిస్తుంది. ధనాదాయం వృద్ధి చెందుతుంది. బ్యాంకు లావాదేవీల్లో తొందరపాటు నిర్ణయాలు వద్దు. సాహసోపేతమైన నిర్ణయాలు తీసుకుంటారు. ఆత్మీయులను కలుస్తారు. ఇతరులతో మాట్లాడేటప్పుడు జాగ్రత్తగా వుండాలి. కుటుంబంలో చికాకులు తలెత్తే వీలుంది. మనసు నిలకడగా వుండదు. స్థిరాస్తి లావాదేవీలను వాయిదా వేయండి. వృథా ఖర్చులు పెరుగుతాయి. ఎవరికీ పూచీగా వుండకండి. తల్లి ఆరోగ్యంపై శ్రద్ధ వహించాలి. కీలక సమయంలో మిత్రులు, సోదరులు అండగా నిలుస్తారు.
మిథునం (Gemini):
పనులు సాఫీగా సాగుతాయి. ఆర్థిక పరమైన విషయాలు లాభసాటిగా సాగుతాయి. కీలక వ్యవహారాల్లో అదృష్టం తోడుగా నిలుస్తుంది. బంధువులను కలుస్తారు. విందుల్లో పాల్గొంటారు. వినోద యాత్రలు చేస్తారు. నూతన విజ్ఞానాన్ని పొందుతారు. మీ నిర్ణయాలకు సోదరులు అండదండగా నిలుస్తారు. ముఖ్యమైన సమాచారం మానసికోల్లాసన్ని కలిగిస్తుంది. కుటుంబంలో స్వల్ప చికాకులు గోచరిస్తున్నాయి. ఆస్తి సంబంధ వ్యవహారాలను వాయిదా వేయండి. మాట తప్పడం వల్ల నిందలొస్తాయి. ఆరోగ్యంపై శ్రద్ధ వహించండి.
కర్కాటకం (Cancer):
తొందరపాటు నిర్ణయాలు తీసుకోకండి. ప్రతి వ్యవహారంలోనూ ఆచితూచి వ్యవహరించాలి. ఆర్థిక సంబంధమైన విషయాలు ఇబ్బందికరంగా ఉండే వీలుంది. అయితే కీలక సమయంలో అదృష్ట వశాత్తు మిత్రులు అండగా నిలుస్తారు. కోర్టు వ్యవహారాలను నిర్లక్ష్యం చేయకండి. ఇతరుల విషయాల్లో తలదూర్చకండి. ఎవరికీ పూచీగా ఉండకండి. బ్యాంకు లావాదేవీలు తృప్తినివ్వవు. వారం మధ్యలో అవసరానికి సరిపడా డబ్బు అందినా వృథాగా ఖర్చవుతుంది. నిరుద్యోగులకు కాస్త మెరుగ్గా ఉంటుంది. బద్ధకం వీడండి.
సింహం (Leo):
కీలక వ్యవహారాలు సంతృప్తికరంగా సాగుతాయి. ఆర్థిక పరిస్థితులు మెరుగవుతాయి. అప్పులు చెల్లించే సూచనలు వున్నయి. నూతన స్నేహాలు లాభసాటిగా సాగుతాయి. ప్రత్యర్థులపై విజయం సాధిస్తారు. మేలిమి అవకాశాలను అందిపుచ్చుకుంటారు. ఇతరుల నుంచి సహాయ సహకారాలు లభిస్తాయి. ఆరోగ్యం మెరుగ్గా వుంటుంది. బంధువులతో విందుల్లో పాల్గొంటారు. కుటుంబ సౌఖ్యాన్ని ఆస్వాదిస్తారు. సంతాన సంబంధ విషయాలు తృప్తినిస్తాయి. వారం మధ్యలో న్యాయపరమైన చిక్కుల్లో పడే సూచనలు ఉన్నాయి. జాగ్రత్త.
కన్య (Virgo):
అత్యంత యోగదాయక వారమిది. చేపట్టిన ప్రతి కార్యమూ విజయవంతం అవుతుంది. పోటీల్లో విజేతలుగా నిలుస్తారు. ఉద్యోగులకు రివార్డులు, అవార్డులు లభిస్తాయి. అభీష్టం నెరవేరుతుంది. సహోద్యోగుల సహకారం లభిస్తుంది. నిర్ణయాల్లో స్థిరత్వం, విజయసాధనతో ఆత్మవిశ్వాసం వృద్ధి చెందుతాయి. అవకాశాలను చేజార్చుకోకండి. కొత్త పరిచయాలు ఏర్పడతాయి. కొత్త బాధ్యతలు స్వీకరిస్తారు. కుటుంబంలో ప్రశాంతత ఉంటుంది. వారం చివరలో కోర్టు లావాదేవీలను నిర్లక్ష్యం చేయకండి. వృథా ఖర్చులను తగ్గించండి.
తుల (Libra):
ప్రారంభంలో స్వల్ప ఒడుదుడుకులుగా అనిపించినా.. కార్యాలన్నీ విజయవంతం అవుతాయి. ఉద్యోగులు మేలిమి ఫలితాలను అందుకుంటారు. ప్రమోషన్లు, రివార్డులను పొందుతారు. ఆత్మవిశ్వాసం వృద్ధి చెందుతుంది. చక్కటి అవకాశాలు కలిసి వస్తాయి. అభీష్టం నెరవేరుతుంది. గౌరవ మర్యాదలు పెరుగుతాయి. కుటుంబంలో ప్రశాంత వాతావరణం ఉంటుంది. కొత్త బంధాలు బలపడతాయి. ఆర్థిక లావాదేవీలు సంతృప్తిగా సాగుతాయి. రుణ విముక్తి యత్నాలు ఫలిస్తాయి. ఆరోగ్యం మెరుగ్గా ఉంటుంది. శభ కార్యాల్లో పాల్గొంటారు.
వృశ్చికం (Scorpio):
కార్యసాధనలో అడ్డంకులను దాటాల్సి వుంటుంది. ఎదుగుదలకు అడ్డుపడే వారుంటారు. స్థిర నిర్ణయాలు, ఆత్మవిశ్వాసంతో సమస్యలన్నింటినీ పరిష్కరించుకుంటారు. వృత్తి, ఉద్యోగాల్లోని వారికి అనుకూలంగా ఉంటుంది. దూర ప్రయాణం గోచరిస్తోంది. వాహనం నడిపేటప్పుడు అప్రమత్తంగా ఉండండి. అనుకున్న రీతిలో సౌకర్యాలు సమకూరక పోవడం కోపాన్ని తెప్పిస్తుంది. ఇష్టం లేని పనిని చేయాల్సి వస్తుంది.జీర్ణ సంబంధ సమస్యలుంటాయి. సంతానం తీరు చికాకు కలిగిస్తుంది. ఆధ్యాత్మిక కార్యక్రమాల్లో పాల్గొంటారు.
ధనస్సు (Sagitarus):
ముఖ్యమైన పనుల పూర్తిపై శ్రద్ధ వహించండి. అవరోధాలను దాటాల్సి వుంటుంది. ఆర్థిక వ్యవహారాలు మెరుగ్గా ఉంటాయి. జీవిత భాగస్వామితో సఖ్యత పెరుగుతుంది. కుటుంబ సౌఖ్యం లభిస్తుంది. ఇతరులతో బంధాలు బలపడతాయి. ప్రయాణాలు వినోదంగా సాగుతాయి. ఉద్యోగులపై ఒత్తిడి పెరుగుతుంది. ఉన్నతాధికారులతో మాట పడే సూచన ఉంది. సహోద్యోగులతో సఖ్యత చెడకుండా చూసుకోండి. అనవసర విషయాల్లో తలదూర్చకండి. భవిష్యత్తు గురించిన ప్రణాళికలు వేస్తారు. శుభ కార్యక్రమాల్లో పాల్గొంటారు.
మకరం (Capricorn):
తలచిన పనులు సానుకూలమవుతాయి. అవసరమైన డబ్బు చేతికి అందుతుంది. కొత్త వస్తువులను కొంటారు. వాహన యోగం ఉంది. బంధుమిత్రులను కలుస్తారు. విందు, వినోదాల్లో సంతోషంగా గడుపుతారు. కీలక వ్యవహారాల్లో బంధువుల సహకారం లభిస్తుంది. జీవిత భాగస్వామి సూచనలు మేలు చేస్తాయి. కొత్త విషయాలు తెలుస్తాయి. ప్రయాణాలు సుఖప్రదంగా సాగుతాయి. గౌరవం పెరుగుతుంది. వారం చివరలో వాహనం నడిపేటప్పుడు జాగ్రత్త. అనవసర విషయాల్లో తలదూర్చకండి. తగాదాలకు దూరంగా వుండండి.
కుంభం (Aquarius):
ప్రారంభంలో కొన్ని ఇబ్బందులు ఎదురైనా.. తెలివితేటలతో తేలిగ్గా పరిష్కరిస్తారు. కుటుంబ సభ్యులతో సంతోషంగా గడుపుతారు. జీవిత భాగస్వామితో సఖ్యత పెరుగుతుంది. వినోదయాత్రలు చేస్తారు. బంధుమిత్రులను కలుస్తారు. విందుల్లో పాల్గొంటారు. నూతన వస్తువులను కొంటారు. కొత్త స్నేహ బంధాలు, ఏర్పడతాయి. సంతాన సంబంధ విషయాలు తృప్తినిస్తాయి. నూతన విజ్ఞానాన్ని సముపార్జిస్తారు. శారీరక, మానసిక ప్రశాంతతను పొందుతారు. కీలక వ్యవహారాల్లో సొంత నిర్ణయం వద్దు. బద్ధకం వదిలి కష్టపడండి.
మీనం (Pisces):
వ్యవహారాల్లో తొందరపాటు వద్దు. ప్రతి పనినీ ఆలోచించి, మిత్రుల సూచనలు స్వీకరించి చేపట్టండి. బద్ధకం ఏమాత్రం మంచిది కాదు. డబ్బుకి ఇబ్బందిగా వుంటుంది. వృథాఖర్చులు, రుణం చేయాల్సి రావడం వేదనకు కారణమవుతుంది. ఆలోచనలు వక్రగతిలో సాగుతాయి. సౌఖ్యం లోపిస్తుంది. చెప్పుడు మాటలను గుడ్డిగా నమ్మకండి. ఆరోగ్యంపై శ్రద్ధ అవసరం. స్థిరాస్తి వ్యవహారాలు నష్టదాయకంగా సాగుతాయి. వారం చివరికి పరిస్థితి మారుతుంది. బంధువులు సహకరిస్తారు. పనుల్లో శుభ ఫలితాలు లభిస్తాయి. గౌరవం పెరుగుతుంది.
గమనిక :
జన్మరాశిని అనుసరించి ఈ ఫలితాలు చూసుకోవాలి. ఇవి, గోచార గ్రహాల సంచారాన్ని బట్టి నిర్ణయించిన స్థూల ఫలితాలు. వ్యక్తిగత జాతక ఫలితాలు తెలుసుకో దలచిన వారు, తమ జన్మ వివరాలు (పుట్టిన తేదీ, పుట్టిన సమయం, పుట్టిన ఊరు) దిగువ సూచించిన మెయిల్ ఐడీకి పంపగలరు.
శుభం భూయాత్
పి.విజయకుమార్
[email protected]
