వార ఫలాలు

09-08-2026 నుంచి 15-08-2026 వరకు

Weekly Horoscope in Telugu:

మేషం (Aries):
కీలక వ్యవహారాలను నిర్లక్ష్యం చేయకండి. వారం ప్రారంభంలో చేపట్టే పనుల్లో శుభ ఫలితాలను అందుకుంటారు. మీ ప్రయత్నాలకు సోదరులు అండగా నిలుస్తారు. సాహసోపేతమైన నిర్ణయాలు తీసుకుంటారు. ముఖ్యమైన సమాచారం ఆనందాన్ని పెంచుతుంది. ఆత్మీయులను కలుస్తారు. వారం ద్వితీయార్థంలో స్థిరాస్తి వ్యవహారాలను వాయిదా వేయండి. సౌఖ్యం లోపిస్తుంది. బుద్ధి నిలకడగా వుండదు. వృథా ఖర్చులు పెరుగుతాయి. సంతాన సంబంధ చికాకులుంటాయి. ఆరోగ్యంపై శ్రద్ధ పెట్టాల్సి వుంటుంది.

వృషభం (Taurus):
మిశ్రమ ఫలితాలుంటాయి. అవసరానికి డబ్బు సమకూరుతుంది. అయితే వృథా ఖర్చులూ పెరుగుతాయి. కుటుంబంలో చికాకులకు ఆస్కారముంది. అనుకున్న పనులు సవ్యంగా సాగకపోవడం వేదనకు గురి చేస్తుంది. మిత్రుల సహకారంతో కీలక వ్యవహారాల్లో విజయం సాధిస్తారు. ఆత్మధైర్యం పెరుగుతుంది. ప్రియమైన వ్యక్తుల కలయిక ఉత్తేజాన్నిస్తుంది. ఎవరికీ పూచీలను ఇవ్వకండి. మాట తప్పడం వల్ల నిందలు ఎదుర్కోవాల్సి వస్తుంది. ఆస్తి క్రయవిక్రయాలు అనుకూలించవు. బంధువులతో విరోధం గోచరిస్తోంది. ఆరోగ్యం జాగ్రత్త.

మిథునం (Gemini):
వ్యవహారాలన్నీ శుభప్రదంగా సాగుతాయి. ఆర్థిక లాభం ఉంది. కీలక సందర్భంలో ధైర్యసాహసాలను ప్రదర్శిస్తారు. అదృష్టం కూడా తోడవుతుంది. సమాజంలో గౌరవం పెరుగుతుంది. వాహనయోగం ఉంది. గృహావసరాలను తీరుస్తారు. నిరుద్యోగులు శుభవార్తను వింటారు. మానసిక స్థితి ఉత్సాహంగా ఉంటుంది. దాయాదులతో విభేదాలు పరిష్కారమవుతాయి. కుటుంబ సౌఖ్యాన్ని ఆస్వాదిస్తారు. బ్యాంకు లావాదేవీల్లో జాగ్రత్తగా ఉండాలి. ఇతరుల వల్ల ఇబ్బందులో గోచరిస్తున్నాయి. అనవసర జోక్యం తగ్గించుకోవడం మంచిది.

కర్కాటకం (Cancer):
కార్యసాధనలో కొన్ని ఆటంకాలు ఎదురవుతాయి. సమయస్ఫూర్తితో పనులను పూర్తి చేస్తారు. బంధువులతో విందు, వినోదాల్లో పాల్గొంటారు. కొత్త విషయాలను తెలుసుకుంటారు. అన్ని రంగాల వారికీ అనుకూలతలు ఉంటాయి. కోర్టు వ్యవహారాల్లో నిర్లక్ష్యం మంచిది కాదు. ఇంటికి దూరంగా గడిపే పరిస్థితి గోచరిస్తోంది. వృథా ఖర్చులను తగ్గించుకోవాలి. దూర ప్రయాణాల వల్ల ప్రయోజనం ఉండదు. అనవసర జోక్యం, పూచీల వల్ల ఇబ్బంది పడతారు. కుటుంబంలో చికాకులకూ ఆస్కారం ఏర్పడుతుంది. వైద్యానికి ఖర్చు చేయాల్సి వస్తుంది.

సింహం (Leo):
వారం యోగదాయకంగా ఉంటుంది. అభీష్టం నెరవేరుతుంది. ఆర్థిక వ్యవహారాలు లాభసాటిగా ఉంటాయి. రుణ విముక్తి యత్నాలు ఫలిస్తాయి. ఉద్యోగ, వ్యాపార రంగాల్లోని వారికి లాభదాయకంగా ఉంటుంది. రుణ విముక్తి యత్నాలు అనుకూలిస్తాయి. శుభకార్యాల్లో పాల్గొంటారు. కుటుంబంలో సంతాన సంబంధ విషయాలు సంతృప్తినిస్తాయి. అదృష్టం అన్నివేళలా అండగా ఉంటుంది. ఆత్మీయుల వైద్యం కోసం ఖర్చు చేయాల్సి వస్తుంది. విదేశీ ప్రయాణ యత్నాలు కొలిక్కి వస్తాయి. తొందరపాటు నిర్ణయాల వల్ల ధనాన్ని నష్టపోతారు.

కన్య (Virgo):
వ్యవహారాలన్నింటా విజయ ఫలాలను అందుకుంటారు. వృత్తి, ఉద్యోగాల్లో మేలిమి ఫలితాలు లభిస్తాయి. అభీష్టం నెరవేరుతుంది. బంధువులతో విందు వినోదాల్లో పాల్గొంటారు. మీ ప్రయత్నాలకు ఆత్మీయుల తోడ్పాటు లభిస్తుంది. నూతన పరిచయాలు లాభసాటిగా ఉంటాయి. మీ నిర్ణయాల్లోస్థిరత్వం వుంటుంది. మీలో ఆత్మవిశ్వాసం వృద్ధి చెందుతుంది. ఆర్థిక స్థితి మెరుగవుతుంది. రుణ విముక్తి చేసే ప్రయత్నాలు అనుకూలిస్తాయి. వారాంతంలో వృథా ఖర్చులను తగ్గించాలి. న్యాయపరమైన చిక్కులకు ఆస్కారముంది.
10) ఉద్యోగ విజయం-సాధారణ మనశ్శాంతి – ఇష్టకార్యానుకూలం – దేహారోగ్యం – బంధువులతో విందు.

తుల (Libra):
పట్టింది బంగారం అన్నట్లుగా సాగుతుంది. ప్రతి ప్రయత్నమూ రెట్టింపు ఫలితాన్నిస్తుంది. ఇష్ట కార్యాలను నెరవేర్చుకుంటారు. ఇతరులతో పోటీలో మీరే విజేతలుగా నిలుస్తారు. ఆర్థిక వ్యవహారాలు పుంజుకుంటాయి. ఉద్యోగులు, వ్యాపారులకు మేలిమి అవకాశాలు అందివస్తాయి. సద్వినియోగం చేసుకోవాలి. కుటుంబంలో ప్రశాంత వాతావరణం ఉంటుంది. బంధాలు బలపడతాయి. బంధు,మిత్రులతో సఖ్యత వృద్ధి చెందుతుంది. ఆధ్యాత్మిక చింతన పెరుగుతుంది. విదేశీ ప్రయాణ ప్రయత్నాలు అనుకూలిస్తాయి. ఆరోగ్యం మెరుగవుతుంది.

వృశ్చికం (Scorpio):
ప్రారంభంలో స్వల్ప చికాకులు తలెత్తుతాయి. కార్యసాధనలో ఆచితూచి వ్యవహరించాలి. చెప్పుడు మాటలను గుడ్డిగా విశ్వసించకండి. అపోహల కారణంగా తగాదాలు, మానసిక అశాంతి నెలకొంటాయి. ఉద్యోగులు విధినిర్వహణలో అజాగ్రత్తగా ఉండరాదు. భవిష్యత్తు గురించిన కలత ఏర్పడుతుంది. నిర్దేశిత సౌకర్యాలు సమకూరక ఆందోళన చెందుతారు. వారం చివరికి పరిస్థితులు మెరుగవుతాయి. పెద్దల ఆదరాన్ని చూరగొంటారు. కొత్త బాధ్యతలను స్వీకరిస్తారు. కుటుంబ శాంతిని పొందుతారు. ఆత్మవిశ్వాసం పెరుగుతుంది.

ధనస్సు (Sagitarus):
పనుల పూర్తిలో జాప్యం ఏర్పడుతుంది. కార్యాలను ప్రారంభించడంలో తాత్సారం సరికాదు. వస్తు, వాహన సౌఖ్యం గోచరిస్తోంది. జీవిత భాగస్వామితో సఖ్యత పెరుగుతుంది. శారీరక, మానసిక ప్రశాంతతను పొందుతారు. జీవితంలో గుణపాఠం లాంటి అనుభవం ఎదురవుతుంది. ప్రయాణాలు లాభిస్తాయి. బంధుమిత్రులను కలుస్తారు. బంధాలు బలపడతాయి. వారం ద్వితీయార్థంలో అప్రమత్తంగా ఉండాలి. వాహనం నడిపేటప్పుడు జాగ్రత్త అవసరం. ఇష్టం లేని పని చేయాల్సి వస్తుంది. తగాదాలకు దూరంగా ఉండాలి.

మకరం (Capricorn):
చేపట్టి కార్యాలు విజయవంతం అవుతాయి. నిలిచిపోయిన పనులు కూడా పునఃప్రారంభమై సత్ఫలితాలను ఇస్తాయి. బంధుమిత్రుల సహకారం లభిస్తుంది. కుటుంబానికి అవసరమైన నూతన వస్తు, వస్త్రాలను కొంటారు. కీర్తి ప్రతిష్టలు పెరుగుతాయి. దగ్గరి ప్రయాణాలు లాభసాటిగా ఉంటాయి. జీవిత భాగస్వామి సూచనలు మేలు చేస్తాయి. కుటుంబంతో ఆనందంగా గడుపుతారు. వారం చివరలో వృథా ఖర్చుల వల్ల చికాకులు పెరుగుతాయి. ఇతరుల వ్యవహార శైలి వల్ల ఇబ్బందులొస్తాయి. ఉద్రేకాన్ని అదుపు చేసుకోవాలి.

కుంభం (Aquarius):
ఆటంకాలను చాలా తేలిగ్గా అధిగమిస్తారు. బద్ధకాన్ని వీడి పనిచేస్తే విజయం మీదే అవుతుంది. మనోభీష్టం నెరవేరుతుంది. ప్రారంభంలో మీ తెలివితేటలకు గుర్తింపు లభిస్తుంది. పనుల్లో విజయం సాధిస్తారు. స్వస్థాన ప్రాప్తి వుంది. ఆర్థిక వ్యవహారాలు లాభసాటిగా ఉంటాయి. కుటుంబ సౌఖ్యాన్ని పొందుతారు. జీవిత భాగస్వామితో వివాదాలు పరిష్కారమవుతాయి. వస్తు, వాహన యోగముంది. బంధుమిత్రులతో విందుల్లో పాల్గొంటారు. ప్రయాణాలు వినోదంగా సాగుతాయి. సంతాన సంబంధ విషయాలు ఆనందాన్నిస్తాయి.

మీనం (Pisces):
వారమంతా అప్రమత్తంగా వ్యవహరించాలి. ప్రతి పనికీ ఆటంకం ఎదురవడం వేదనకు గురి చేస్తుంది. బద్ధకం కూడా తోడవడంతో ఇష్టకార్యం భంగమవుతుంది. ఇతరులతో విరోధం వృద్ధి చెందుతుంది. ఆలోచనలను అదుపులో చేసుకోవాలి. మానసిక ఒత్తిడిని అధిగమించే చర్యలు అవసరం. విలువైన వస్తువులు, డాక్యుమెంట్లు జాగ్రత్త. స్థిరాస్తి వ్యవహారాలను వాయిదా వేయడం మంచిది. వృథా ఖర్చులుంటాయి. ప్రణాళిక ప్రకారం సాగాలి. వారం చివరలో అవసరమైన డబ్బు అందుతుంది. నూతన వస్తువులను సమకూర్చుకుంటారు.

గమనిక :
జన్మరాశిని అనుసరించి ఈ ఫలితాలు చూసుకోవాలి. ఇవి, గోచార గ్రహాల సంచారాన్ని బట్టి నిర్ణయించిన స్థూల ఫలితాలు. వ్యక్తిగత జాతక ఫలితాలు తెలుసుకో దలచిన వారు, తమ జన్మ వివరాలు (పుట్టిన తేదీ, పుట్టిన సమయం, పుట్టిన ఊరు) దిగువ సూచించిన మెయిల్ ఐడీకి పంపగలరు.

శుభం భూయాత్

పి.విజయకుమార్
[email protected]