సూపర్ స్టార్ కృష్ణ పుట్టినరోజు ఈరోజు (మే 31). అభిమానులకు పండగ రోజు. అయితే.. ప్రతి సంవత్సరం తండ్రి పుట్టినరోజున మహేష్ బాబు తన కొత్త సినిమాకి సంబంధించి టైటిల్ ఎనౌన్స్ చేయడం కానీ.. టీజర్ రిలీజ్ చేయడం కానీ.. కొత్త సినిమాను ప్రారంభించడం కానీ చేస్తుండేవారు. ఈసారి కూడా మహేష్ కొత్త సినిమాకి సంబంధించిన అప్ డేట్ ఇస్తారని అభిమానులు ఎదురు చూశారు. అయితే.. కరోనా వల్ల అప్ డేట్ లు ఏవీ లేవని ముందుగానే అఫిషియల్ గా తెలియచేశారు.
అయితే.. తండ్రి పుట్టినరోజు పురస్కరించుకుని మహేష్ బాబు ఓ మంచి పని చేశారు. కృష్ణ స్వగ్రామం బుర్రిపాలెం వాసులకు ప్రీ వాక్సిన్ వేయించారు. ఈ కార్యక్రమంలో భాగంగా గ్రామస్థులు వాక్సిన్ వేయించుకున్నారు. ఈ క్యాంపైన్‌లో ఆంధ్రా హాస్పిట‌ల్స్ కూడా భాగం పంచుకుంది. మహేష్ ముందు నుంచీ ఛారిటీల పై ఆస‌క్తి క‌ర‌బ‌రుస్తూనే ఉన్నాడు. గతంలో శ్రీమంతుడు సినిమాలో చూపించినట్టుగా రెండు గ్రామాలను దత్తత తీసుకుని అభివృద్ది చేశారు. ఇలా సేవా కార్యక్రమాలు చేస్తున్న మహేష్ బాబు బుర్రిపాలెంలో ప్రీ వాక్సిన్ కార్యక్రమానికి శ్రీకారం చుట్టడం ఎంతైనా అభినందనీయం.
