ఒకప్పుడు టాలీవుడ్ తెరపై బాలీవుడ్ భామల జోరు ఎక్కువగా కనిపించేది. గ్లామర్ ఒలకబోసే విషయంలో ఎలాంటి అభ్యంతరాలు వాళ్ల వైపు నుంచి ఉండని కారణంగా, ఇక్కడి తెరపై వాళ్ల జాతరే కొనసాగుతూ వచ్చింది. ఆ తరువాత మలయాళ భామలు తమ గ్లామర్ తోను .. నటనతోను ఆకట్టుకుంటూ, తమ పట్టు బిగిస్తూ వచ్చారు. ఇప్పటికీ ఇక్కడ మలయాళ బ్యూటీలదే రాజ్యం. ఆ తరువాతే కోలీవుడ్ నాయికలు ఈ వైపుగా దృష్టిపెట్టారు.
ఇటీవల కాలంలో కన్నడ సినిమా కూడా తన పరిథిని పెంచుకుంది. టాలీవుడ్ కి మరింత చేరువైంది. అక్కడి సినిమాలు ఇక్కడ విడుదలై భారీ విజయాలను అందుకుంటున్నాయి. ఈ క్రమంలోనే అక్కడి నుంచి హీరోయిన్ల రాక మొదలైంది. రష్మికలాంటి వారు కన్నడంతో పాటు తెలుగులోనూ ఆ స్థాయి స్టార్ డమ్ ను అందుకున్నారు. నిజం చెప్పాలంటే అక్కడికి మించి ఇక్కడ పాప్యులర్ అయ్యారు. ఆమె పాన్ ఇండియా స్టార్ కావడానికి కారణం కూడా తెలుగు సినిమానే.
ఈ నేపథ్యంలో కన్నడ ఇండస్ట్రీ నుంచి మరో బ్యూటీ ఇప్పుడు తెలుగు ప్రేక్షకుల ముందుకు రావడానికి రెడీ అవుతోంది … ఆ సుందరి పేరే ‘ఆషిక రంగనాథ్. కన్నడ సినిమాలతో తనకంటూ ఒక గుర్తింపును తెచ్చుకున్న ఆషిక, కల్యాణ్ రామ్ సినిమా ‘అమిగోస్’ తో టాలీవుడ్ కి పరిచయమవుతోంది. చందమామ వంటి మోము … చక్కని కనుముక్కుతీరు .. కట్టిపడేసే నవ్వు ఆమె సొంతం. ఈ సినిమా రిలీజ్ తరువాత ఆమె ప్రభావం ఇక్కడ ఉంటుందనే మాటైతే ఇండస్ట్రీలో వినిపిస్తోంది. అలా జరుగుతుందేమో చూడాలి మరి. మైత్రీ మూవీ మేకర్స్ వారు నిర్మిస్తున్న ఈ సినిమాకి రాజేందర్ రెడ్డి దర్శకత్వం వహిస్తున్నాడు. వచ్చే ఏడాదిలో ఈ సినిమా ప్రేక్షకుల ముందుకు రానుంది.
Also Read : ‘అమిగోస్’ తో పరిచయమవుతున్న అందాల రాశి!
