ఎన్టీఆర్ హీరోగా సుకుమార్ దర్శకత్వంలో రూపొందిన ‘నాన్నకు ప్రేమతో’ బాక్సాఫీస్ దగ్గర విజయం సాధించింది. సుకుమార్ ఈ చిత్రాన్ని ఇంటలెక్చువల్ గా తీసినా.. సామాన్యులకు సైతం అర్థం అయ్యేలా తెరకెక్కించడంతో అందరికీ కనెక్ట్ అయ్యింది. దీని తర్వాత సుకుమార్ రూటు మార్చి ‘రంగస్థలం’తీశారు. ఇది కూడా బ్లాక్ బస్టర్ అయ్యింది. ఎన్టీఆర్, సుకుమార్ తమ సినిమాలతో బిజీ అయ్యారు.
అయితే.. వీరిద్దరూ కలిసి మరో సినిమా చేయాలనుకుంటున్నారట. ఈ కాంబో మూవీని మైత్రీ మూవీ మేకర్స్ సంస్థ సెట్ చేసిందని టాక్ వినిపిస్తోంది. ప్రస్తుతం ఎన్టీఆర్ దేవర సినిమా చేస్తున్నాడు. ఆతర్వాత వార్ 2 అనే బాలీవుడ్ మూవీ చేయనున్నాడు. వార్ 2 తర్వాత ప్రశాంత్ నీల్ తో మూవీ చేయడానికి ఓకే చెప్పాడు. మరో వైపు సుకుమార్ ప్రస్తుతం పుష్ప 2 సినిమాని తెరకెక్కిస్తున్నాడు. ఈ సినిమా ప్రస్తుతం శరవేగంగా షూటింగ్ జరుపుకుంటుంది. వచ్చే సంవత్సరంలో రిలీజ్ కానుంది.
పుష్ప 2 తర్వాత సుకుమార్ చరణ్ తో సినిమా చేయాలి. అలాగే విజయ్ దేవరకొండతో సినిమా చేయాల్సివుంది. అలాగే ప్రభాస్ తో సుకుమార్ మూవీ అంటూ కూడా వార్తలు వచ్చాయి. అందుచేత ఎన్టీఆర్, సుకుమార్ కాంబో ఫిక్స్ అయినప్పటికీ సెట్స్ పైకి రావడానికి చాలా టైమ్ పట్టచ్చు. అయితే.. ఈ క్రేజీ కాంబో మూవీ వస్తే మాత్రం మరోసారి సంచలనం సృష్టించడం ఖాయం అని చెప్పచ్చు. ఎన్టీఆర్ ఇమేజ్ కు సరిపోయే కథ రెడీ చేశారట. మరి.. ఈ మూవీ ఎప్పుడు స్టార్ట్ కానుందో క్లారిటీ రావాలంటే కొన్నాళ్లు ఆగాల్సిందే.
