అల్లు అర్జున్, అట్లీ కాంబినేషన్లో మూవీ అంటూ గత కొంతకాలంగా వార్తలు వస్తూనే ఉన్నాయి కానీ.. అఫిషియల్ గా అనౌన్స్ చేయలేదు. జవాన్ బ్లాక్ బస్టర్ సక్సెస్ సాధించడంతో అట్లీకి మరింత క్రేజ్ పెరిగింది. ఇక ఈ క్రేజీ కాంబో ఫిక్స్ అంటూ మరింతగా ప్రచారం జరుగుతోంది. అసలు వీరిద్దరూ కలసి ఎప్పటి నుంచో సినిమా చేయాలి అనుకుంటున్నారు. అయితే.. ఓ వైపు బన్నీ, మరో వైపు అట్లీ వేరే ప్రాజెక్టుల్లో బిజీగా ఉండడం వలన ఇన్నాళ్లు ఈ క్రేజీ కాంబో సెట్ కాలేదు.
ఆమధ్య అట్లీ.. బన్నీకి ఓ స్టోరీ లైన్ చెప్పారట. ఇది బన్నీకి నచ్చడంతో ఫుల్ స్టోరీ రెడీ చేయమని చెప్పారట. ఇటీవల ఈ సినిమా ఫుల్ స్టోరీ నెరేట్ చేయడం జరిగిందట. అయితే.. ఈ కథ పై నిర్ణయం తీసుకోవడానికి తనకు టైమ్ కావాలని బన్నీ చెప్పాడని టాక్ వినిపిస్తోంది. అయితే.. బన్నీతో సినిమా గురించి ఇద్దరి మధ్య చర్చలు జరుగుతున్నాయని.. త్వరలోనే ఈ ప్రాజెక్ట్ కి సంబంధించి గుడ్ న్యూస్ చెబుతాను అని అట్లీ స్వయంగా మీడియాకి చెప్పడం జరిగింది.
ఇదిలా ఉంటే.. జవాన్ మూవీ గురించి సోషల్ మీడియాలో బన్నీ స్పందించాడు. ఈ సినిమా గురించి సుదీర్ఘంగా పోస్ట్ పెట్టాడు. షారుఖ్ ని అభినందించాడు. అనిరుథ్ ని అభినందించాడు. దీనికి అనిరుథ్ ధ్యాంక్యూ బ్రో అని స్పందిస్తే.. సింపుల్ గా థ్యాంక్స్ కాదు.. గ్రేట్ సాంగ్స్ కావాలి అని బన్నీ చెప్పడాన్ని బట్టి.. అనిరుథ్ తో వర్క్ చేయాలి అనుకుంటున్న విషయాన్ని చెప్పకనే చెప్పాడు. ఇక అట్లీనిని బన్నీ ప్రత్యేకంగా అభినిందించాడు. మొత్తానికి బన్నీ దగ్గర మార్కులు కొట్టేశాడు అట్లీ. దీంతో బన్నీ, అట్లీ కాంబో ఫిక్స్ అయ్యింది అంటూ ప్రచారం ఊపందుకుంది.
అయితే.. ప్రస్తుతం బన్నీ పుష్ప 2 చేస్తున్నాడు. ఈ సినిమా నెక్ట్స్ ఇయర్ ఆగష్టు 15న విడుదల కానుంది. పుష్ప 2 తర్వాత త్రివిక్రమ్ శ్రీనివాస్ తో మూవీ చేయాలి. ఆతర్వాత సందీప్ రెడ్డి వంగతో సినిమా చేయాలి. ఆతర్వాత అట్లీతో సినిమా అంటే.. రెండు లేదా మూడేళ్లు వెయిట్ చేయాలి. అందుచేత ఈలోపు అట్లీ.. వేరే హీరోతో సినిమా ప్లాన్ చేస్తాడా అనేది ఆసక్తిగా మారింది. మరి.. అట్లీతో మూవీ గురించి బన్నీ ఎప్పుడు క్లారిటీ ఇస్తాడో చూడాలి.
