అసలు ఈ ‘జితేందర్‌ రెడ్డి’ ఎవరు..? ఆయన గురించి తెలుసుకోవడానికి ఏముంది..? అనేది తెలియాలంటే సినిమా చూడాల్సిందే అంటున్నారు ఈ మూవీ మేకర్స్. విరించి వర్మ దర్శకత్వంలో వస్తున్న సినిమా ‘జితేందర్‌ రెడ్డి’. రీసెంట్ గా వచ్చిన ఈ మూవీ పోస్టర్ సినిమా పై ఆసక్తి పెంచగ ఇప్పుడు విడుదలైన ‘జితేందర్‌ రెడ్డి’ ఇచ్చిన హామీ వీడియో అసలు ఎవరు ఈ ‘జితేందర్‌ రెడ్డి’ అని తీసుకోవాలనే ఆసక్తిని పెంచేసింది.జితేందర్‌ రెడ్డి అనే నేను అంటూ ఆయన చేసిన హామి అలానే ఆ వీడియో లో చూపించిన ‘ధీరుడు ఒకసారె మరణిస్తాడు కాని పిరికివాడు క్షణక్షణం మరణిస్తాడు’ అన్న మాట ఆలోచింపచేసే విధంగా ఉంది.
కాగా ఈ సినిమా లో ‘జితేందర్‌ రెడ్డి’ గా నటించింది ఎవరు అని తెలుసుకోవాలంటే ఈ నెల 21 న ఫస్ట్ లుక్ విడుదల చేస్తున్నారు టీం. వి.ఎస్‌ జ్ఞాన శేఖర్‌ కెమెరామెన్‌ పని చేస్తున్నారు. ఎన్నో సూపర్‌హిట్‌ చిత్రాలకు సంగీతం అందించిన మలయాళ సంగీత దర్శకుడు గోపీసుందర్‌ ఈ చిత్రానికి సంగీతం అందిస్తున్నారు. నాగేంద్రకుమార్‌ ఆర్ట్‌ డైరెక్టర్‌గా వ్యవహరిస్తున్నారు. ముదుగంటి క్రియేషన్స్‌ బ్యానర్‌ పై ముదుగంటి రవీందర్‌ రెడ్డి ఈ చిత్రాన్ని నిర్మిస్తున్నారు. చాలా గ్యాప్ తర్వాత విరించి వర్మ తెరకెక్కించిన ఈ సినిమా ఎంత వరకు ఆకట్టుకుంటుందో చూడాలి.
