2021లో ‘ఉప్పెన’ చిత్రంతో బ్లాక్‌బ‌స్ట‌ర్ హిట్ సాధించి అంద‌రి దృష్టిని ఆక‌ర్షించారు సెన్సేషనల్ స్టార్ వైష్ణవ్ తేజ్. ఎన్నో సక్సెస్‌ఫుల్ చిత్రాల‌ను నిర్మించిన ప్ర‌ముఖ నిర్మాణ సంస్థ శ్రీ వెంక‌టేశ్వ‌ర సినీ చిత్ర ఎల్ఎల్‌పీ బ్యాన‌ర్‌ లో వైష్ణవ్ తేజ్ ఓ సినిమా చేస్తున్నాడు. బాపినీడు స‌మ‌ర్ప‌ణ‌లో… ‘అర్జున్ రెడ్డి’ త‌మిళ వెర్ష‌న్‌ను తెర‌కెక్కించిన డైరెక్ట‌ర్‌ గిరీశాయ ఈ చిత్రానికి దర్శకత్వం వహిస్తున్నారు. సీనియ‌ర్ నిర్మాత బి.వి.ఎస్.ఎన్.ప్రసాద్ నిర్మిస్తున్న ఈ సినిమా షూటింగ్ హైదరాబాద్‌లో ప్రారంభ‌మైంది.
ఈ సందర్భంగా బి.వి.ఎస్.ఎన్.ప్రసాద్ మాట్లాడుతూ… ‘‘వైష్ణవ్ తేజ్ హీరోగా ఉప్పెన వంటి బ్లాక్ బస్టర్ తర్వాత మా బ్యానర్‌లో సినిమా చేయడం ఎంతో ఆనందంగా ఉంది. ఉప్పెన‌తో యూత్‌కు ద‌గ్గ‌రైన వైష్ణవ్ తేజ్‌ను ఫ్యామిలీ ఆడియెన్స్ కు ద‌గ్గ‌ర చేసేంత మంచిక‌థ‌తో ఫ్యామిలీ ఎంట‌ర్‌టైన‌ర్‌ను రూపొందించ‌బోతున్నాం. కేతికా శ‌ర్మ హీరోయిన్‌గా నటిస్తుంది. ఈ సినిమాకు శ్యామ్ ద‌త్ సినిమాటోగ్ర‌ఫీ అందిస్తుండ‌గా, రాక్‌స్టార్ దేవిశ్రీ ప్రసాద్ సంగీతాన్ని అందిస్తున్నారు’’ అన్నారు.
వైష్ణవ్ తేజ్ పంజా, కేతికా శ‌ర్మ త‌దిత‌రులు నటిస్తున్న ఈ చిత్రానికి స‌మ‌ర్ప‌ణ: బాపినీడు, సినిమాటోగ్ర‌ఫీ: శ్యామ్ ద‌త్, సంగీతం: దేవిశ్రీ ప్రసాద్, ఆర్ట్‌: అవినాష్ కొల్ల, పి. ఆర్.ఓ: వంశీ కాక, నిర్మాత: బి.వి.ఎస్.ఎన్.ప్రసాద్, దర్శకత్వం: గిరీశాయ
