హీరో విశాల్ ప్రస్తుతం తు.పా శరవణన్ దర్శకత్వంలో ఓ భారీ యాక్షన్ చిత్రంలో నటిస్తున్నారు. విశాల్ ఫిల్మ్ ఫ్యాక్టరీ (VFF) బ్యానర్ పై స్వయంగా ఈ చిత్రాన్ని నిర్మిస్తున్నారు. విశాల్ పుట్టినరోజు సందర్భంగా సినిమా టైటిల్ ఫస్ట్ లుక్ పోస్టర్ ని విడుదల చేశారు. టైటిల్ `సామాన్యుడు`. ఇది `నాట్ ఎ కామన్ మ్యాన్` అనేది ట్యాగ్ లైన్. ఈ సందర్భంగా రిలీజ్‌చేసిన పోస్టర్ లో రౌడీల బ్యాచ్ ని బేస్ బాల్ బ్యాట్ తో చితక్కొడుతూ విశాల్ ఎగ్రెస్సివ్ గా కనిపిస్తున్నారు.
డింపుల్ హయతి ఈ చిత్రంలో హీరోయిన్ గా నటిస్తోంది. ఈ సినిమాలో యోగి బాబు- బాబురాజ్ జాకబ్- పిఎ తులసి-రవీనా రవి కీలక పాత్రలు పోషిస్తున్నారు. యువన్ శంకర్ రాజా ఈ చిత్రానికి సంగీతం అందిస్తున్నారు. కవిన్ రాజ్ ఈ చిత్రానికి సినిమాటోగ్రఫీ అందిస్తున్నారు. విభిన్న కథాంశంతో రూపొందుతోన్న ఈ `సామాన్యుడు` త్వరలో థియేటర్లలో విడుదలకు సిద్ధమవుతోంది.
