సుప్రసిద్ధ సంగీత దర్శకుడు ఎం. ఎం. కీరవాణి తనయుడు, టాలెంటెడ్ యంగ్ హీరో శ్రీ సింహా కొడూరి రెండు చిత్రాలతోనే తెలుగు ప్రేక్షకుల్లో నటుడిగా మంచి గుర్తింపును తెచ్చుకున్నారు. ప్రస్తుతం శ్రీసింహా మూడవ చిత్రం ‘దొంగలున్నారు జాగ్రత్త’ షూటింగ్ ఈ రోజు అధికారికంగా మొదలైనట్లు చిత్ర యూనిట్ ప్రకటించింది ఈ సందర్భంగా రిలీజ్ చేసిన ప్రమోషనల్ వీడియో అందరినీ ఆకట్టుకుంటోంది. ఇందులో ఓ మెమోరీ కార్డును దొంగలించడం గురించి ఉంది. దాన్ని బట్టి సినిమా కథ ఏంటి? హీరో పాత్ర ఎలా ఉంటుందనేది ఇంట్రెస్టింగ్గా అనిపిస్తోంది.
ఇక ఈ వీడియోలోనే సాంకేతిక బృందాన్ని కూడా పరిచయం చేశారు. సముద్రఖని లాంటి అద్భుతమైన నటుడు ముఖ్యమైన పాత్రలో కనిపించనున్నారు. ప్రీతి అస్రాని హీరోయిన్గా నటిస్తోంది. సురేష్ ప్రొడక్షన్స్, గురు ఫిల్మ్స్ బ్యానర్ల పై సురేష్ బాబు, సునీత తాటి సంయుక్తంగా నిర్మిస్తోన్న ఈ సినిమాకు సతీష్ త్రిపుర దర్శకుడు. రోహిత్ కులకర్ణి సంగీత దర్శకత్వం వహిస్తుండగా యశ్వంత్ సీ కెమెరామెన్గా వ్యవహరిస్తున్నారు. గ్యారీ బీహెచ్ ఎడిటర్. ఈ మూవీకి సంబంధించిన పూర్తి వివరాలను త్వరలో ప్రకటించనున్నారు.
