ఒకప్పుడు లవర్ బాయ్ ఇమేజ్ సొంతం చేసుకున్న హీరో రోహిత్ వరుస హిట్లు కొట్టేశారు. ‘6 టీన్స్‌’, ‘గర్ల్ ఫ్రెండ్’, ‘జానకి వెడ్స్‌ శ్రీరామ్‌’, ‘శంక‌ర్‌దాదా MBBS’, ‘నవ వసంతం’ సినిమాలతో నటుడిగా మంచి గుర్తింపు తెచ్చుకున్నారు. చాలా గ్యాప్ తరువాత హీరోగా రీ ఎంట్రీ ఇస్తున్నారు రోహిత్. శ్రీను బందెల దర్శకత్వంలో రూపొందుతోన్న యాక్ష‌న్ ఎంట‌ర్‌టైన‌ర్ `కళాకార్`. ఏజీ అండ్‌ ఏజీ ఎంటర్‌టైన్‌మెంట్స్‌ పతాకంపై నిర్మాత వెంకటరెడ్డి జాజాపురం నిర్మిస్తున్నారు. మొదటిసారి రోహిత్ పోలీస్ ఆఫీస‌ర్ పాత్రలో నటిస్తున్నాడు. పాన్ ఇండియా స్టార్ ప్రభాస్ ఈ సినిమా టీజర్ ని విడుదల చేశారు.
“హీరో ప్రభాస్ గారు టీజర్ విడుదల చేసినందుకు చాలా హ్యాపీగా ఉంది. నిజంగా ఇది మరచిపోలేని అనుభూతి. టీజర్ చూసి చాలా బాగుందని చెప్పారు. ఈ టీజర్, అలాగే సినిమా కూడా మీకు నచ్చుతుందన్న నమ్మకం ఉంది” అన్నారు రోహిత్.
దర్శకుడు శ్రీను బందెల మాట్లాడుతూ “ప్రభాస్ గారు టీజర్ లాంచ్ చేయడం నాకు చాలా ఎక్సయిటింగ్ గా ఉంది. మా సినిమాకు సపోర్ట్ చేసినందుకు ధన్యవాదాలు” అన్నారు.
నిర్మాత వెంకట్ రెడ్డి మాట్లాడుతూ “మా ఏజీ అండ్‌ ఏజీ ఎంటర్‌టైన్‌మెంట్స్‌ బ్యానర్లో ఇది రెండో సినిమా. ఈ సినిమా టీజర్ ని ప్రభాస్ లాంచ్ చేసినందుకు చాలా ఆనందంగా ఉంది. మా చిన్న సినిమాకు సపోర్ట్ చేసినందుకు థాంక్స్. సినిమా మొత్తం పూర్తయింది. త్వరలోనే ఫస్ట్ కాపీ వస్తుంది. అలాగే త్వరలోనే సెన్సార్ కార్యక్రమాలు కూడా పూర్తీ చేసి దసరాకు విడుదల చేయాలన్న ఆలోచనలో ఉన్నాం” అన్నారు.
