మ‌హేష్‌, ప‌వ‌న్ కి థ్యాంక్స్ చెప్పిన రాజ‌మౌళి

Rajamouli thanked:
ద‌ర్శ‌క‌ధీరుడు రాజ‌మౌళి.. బాహుబ‌లి త‌ర్వాత అత్యంత ప్ర‌తిష్టాత్మ‌కంగా తెర‌కెక్కించిన భారీ చిత్రం ఆర్ఆర్ఆర్. యంగ్ టైగ‌ర్ ఎన్టీఆర్, మెగా ప‌వ‌ర్ స్టార్ రామ్ చ‌ర‌ణ్ ల క్రేజీ కాంబినేష‌న్లో ఈ సంచ‌ల‌న చిత్రం రూపొందింది. ఈ మూవీని సంక్రాంతి కానుక‌గా జ‌న‌వ‌రి 7న ప్ర‌పంచ వ్యాప్తంగా రిలీజ్ చేయ‌నున్నారు. అయితే.. సంక్రాంతికి ఆర్ఆర్ఆర్ సినిమాతో పాటు సూప‌ర్ స్టార్ మ‌హేష్ బాబు స‌ర్కారు వారి పాట‌, ప‌వ‌ర్ స్టార్ ప‌వ‌న్ క‌ళ్యాణ్ భీమ్లా నాయ‌క్ చిత్రాలు కూడా విడుద‌ల‌కు రెడీ అయ్యాయి.

అయితే.. ఆర్ఆర్ఆర్ రిలీజ్ ని దృష్టిలో పెట్టుకుని.. ఆరోగ్య‌క‌ర‌మైన వాతావ‌ర‌ణం కోసం సూప‌ర్ స్టార్ మ‌హేష్ బాబు ‘స‌ర్కారు వారి పాట’ చిత్రాన్ని స‌మ్మ‌ర్ కి వాయిదా వేయ‌డం జ‌రిగింది. అలాగే ప‌వ‌న్ క‌ళ్యాణ్ భీమ్లా నాయ‌క్ చిత్రం కూడా వాయిదా ప‌డింది. దీంతో ఆర్ఆర్ఆర్ కు  లైన్ క్లియ‌ర్ అయ్యింది. ఈ సంద‌ర్భంగా రాజ‌మౌళి ట్విట్ట‌ర్ లో స్పందిస్తూ “స‌ర్కారు వారి పాట సంక్రాంతికి రావాల్సిన సినిమా. అయిన‌ప్ప‌టికీ ఇండ‌స్ట్రీ బాగుండాల‌నే ఉద్దేశ్యంతో ఎవ‌రికీ ఎలాంటి స‌మ‌స్య రాకుండా ఉండేందుకు మ‌హేష్ తీసుకున్న నిర్ణ‌యం అభినంద‌నీయం”
” ఈ సంద‌ర్భంగా నా హీరో మ‌హేష్ బాబుకు థ్యాంక్స్ తెలియ‌చేస్తున్నాను. అలాగే భీమ్లా నాయ‌క్ చిత్రాన్ని వాయిదా వేసిన ప‌వ‌న్ క‌ళ్యాణ్ గార్కి, నిర్మాత చిన‌బాబు గార్కి థ్యాంక్స్ తెలియ‌చేస్తున్నాను. అలాగే ఎఫ్ 3 చిత్రాన్ని వాయిదా వేసిన నిర్మాత దిల్ రాజు గార్కి థ్యాంక్స్. ఈ సినిమాలు విజ‌యం సాధించాల‌ని కోరుకుంటున్నాను” అన్నారు.

Also Read : ఫిబ్రవరి 25కు మారిన భీమ్లా నాయక్