Ram Charan: ఆర్ఆర్ఆర్.. సినీ అభిమానులు అంద‌రూ ఎంతో ఆతృత‌గా ఎదురు చూసిన సినిమా. యంగ్ టైగ‌ర్ ఎన్టీఆర్, మెగా ప‌వ‌ర్ స్టార్ రామ్ చరణ్, ద‌ర్శ‌క‌ధీరుడు రాజ‌మౌళిల క్రేజీ కాంబినేష‌న్లో రూపొందిన ఆర్ఆర్ఆర్ జ‌న‌వ‌రి 7న ప్రపంచ వ్యాప్తంగా ప్రేక్ష‌కుల ముందుకు రావాలి కానీ.. క‌రోనా కార‌ణంగా వాయిదా ప‌డింది. ఎన్టీఆర్, చరణ్ మూడు సంవ‌త్స‌రాలు పాటు ఈ సినిమాకే అంకితం అయ్యారు. మూడు సంవ‌త్స‌రాల క‌ష్టాన్ని తెరపై చూసుకుని మురిసిపోవాలి అనుకుంటే ఓమిక్రాన్ షాక్ ఇచ్చింది.
అయితే.. ఇప్పుడు టైమ్ వేస్ట్ కాకుండా ఈ టైమ్ ని స‌ద్వినియోగం చేసుకునే ప‌నిలో ప‌డ్డారు ఎన్టీఆర్ అండ్ చరణ్. ఎన్టీఆర్.. కొర‌టాల శివ‌తో సినిమాను అలాగే బుచ్చిబాబుతో సినిమాను ఒకేసారి చేయ‌డానికి ప్లాన్ చేస్తున్నారు. ఇక మెగా ప‌వ‌ర్ స్టార్ రామ్ చరణ్ కూడా అదే ప‌నిలో ఉన్నారు. గ్రేట్ డైరెక్ట‌ర్ శంకర్ తో రామ్ చరణ్ ఓ భారీ పాన్ ఇండియా మూవీని చేస్తున్నారు. ఈ పాన్ ఇండియా మూవీని టాలీవుడ్ టాప్ ప్రొడ్యూసర్ దిల్ రాజు నిర్మిస్తున్నారు. ఇది చరణ్ 15వ చిత్రం, దిల్ రాజు 50వ చిత్రం కావ‌డం విశేషం. ఆల్రెడీ షూటింగ్ స్టార్ట్ అయ్యింది. ఆర్ఆర్ఆర్ ప్ర‌మోష‌న్స్ కోసం కాస్త గ్యాప్ ఇచ్చారు.
ఇప్పుడు ఆర్ఆర్ఆర్ రిలీజ్ వాయిదాపడటంతో వెంటనే ఏ మాత్రం ఆలస్యం చేయకుండా ఈ సమయాన్ని శంకర్ సినిమా కోసం కేటాయించడం మొదలుపెట్టారు. ఈ మూవీ షూటింగ్ కోసం చరణ్ చెన్నైలో వెళ్లార‌ని స‌మాచారం. చరణ్ పై కీల‌క స‌న్నివేశాల‌ను చిత్రీక‌రించేందుకు ప్లాన్ చేస్తున్నారు. ఈ పాన్ ఇండియా మూవీని 2023 సంక్రాంతికి రిలీజ్ చేయాల‌నేది నిర్మాత దిల్ రాజు ప్లాన్.
