Dubbing Gani: మెగా ప్రిన్స్ వరుణ్ తేజ్ టైటిల్ పాత్ర‌లో న‌టిస్తోన్న చిత్రం ‘గని’. అల్లు బాబీ కంపెనీ, రెనైస్సాన్ పిక్చర్స్ సంయుక్తంగా నిర్మిస్తున్న ఈ సినిమాకు మెగా నిర్మాత అల్లు అరవింద్ సమర్పకుడిగా వ్యవహరిస్తున్నారు. కిరణ్ కొర్ర‌పాటి ద‌ర్శ‌కుడు. ఈ సినిమా పోస్ట్ ప్రొడ‌క్ష‌న్ కార్య‌క్ర‌మాలు శ‌ర‌వేగంగా జ‌రుగుతున్నాయి. అందులో భాగంగా డబ్బింగ్ ప‌నులు కొన‌సాగుతున్నాయి. త‌న పాత్ర‌కు సంబంధించిన డ‌బ్బింగ్‌ను పూర్తి చేశాన‌ని మెగా ప్రిన్స్ వరుణ్ తేజ్ తెలియ జేశారు. క‌రోనా థ‌ర్డ్ వేవ్ కార‌ణంగా ఈ సినిమా విడుద‌ల వాయిదా ప‌డుతూ వ‌స్తుంది. త్వ‌ర‌లోనే ఈ సినిమా రిలీజ్ డేట్‌ను మేక‌ర్స్ అనౌన్స్ చేయ‌డానికి స‌న్నాహాలు చేస్తున్నారు.
‘గని’లో వరుణ్ తేజ్ బాక్స‌ర్ పాత్ర‌లో న‌టించారు. ఈ పాత్ర కోసం వరుణ్ తేజ్ చాలా మేకోవ‌ర్ అయ్యారు. విదేశాల‌కు వెళ్లి బాక్సింగ్‌లో ప్ర‌త్యేక శిక్ష‌ణ‌ను తీసుకున్నారు. అలాగే ఈ సినిమా క్లైమాక్స్‌లో ప్రొఫెష‌న‌ల్ బాక్స‌ర్స్‌ తో క‌లిసి న‌టించారు. సాయి మంజ్రేకర్ హీరోయిన్‌గా నటిస్తున్న ఈ చిత్రంలో జగపతిబాబు, సునీల్ శెట్టి, ఉపేంద్ర, నవీన్ చంద్ర కీలక పాత్రల్లో నటిస్తున్నారు. తాజాగా విడుదలైన టీజర్, పాట సినిమాపై అంచనాలు మరింత పెంచింది.
