Krithi Poster: ఎన‌ర్జిటిక్ హీరో రామ్, తమిళ అగ్ర దర్శకుడు లింగుస్వామి కాంబినేష‌న్లో రూపొందుతోన్న ఊర మాస్ యాక్షన్ ఎంటర్టైనర్ ‘ది వారియర్’. శ్రీనివాసా సిల్వర్ స్క్రీన్ పతాకం పై ప్రొడ‌క్షన్ నెం. 6గా శ్రీనివాసా చిట్టూరి ఈ చిత్రాన్ని నిర్మిస్తున్నారు. రామ్ 19వ చిత్రమిది. ఈ చిత్రంలో రామ్ పోలీస్ ఆఫీస‌ర్‌గా క‌నిపించ‌నున్నార‌ని రీసెంట్‌గా విడుదల చేసిన టైటిల్ లుక్ పోస్టర్‌లో రివీల్ అయ్యింది.
వేలంటైన్స్ డే స్పెష‌ల్‌గా ఈ సినిమా నుంచి హీరోయిన్ కృతి శెట్టి లుక్‌ను చిత్ర యూనిట్ విడుదల చేసింది. కృతి శెట్టి స్కూటీ మీద కూర్చుని ఉండే లుక్ చూడ చ‌క్కగా ఉంది. ఈ చిత్రంలో కృతి శెట్టి విజిల్ మ‌హాల‌క్ష్మి అనే పాత్రలో క‌నిపించ‌బోతున్నారు. తెలుగు, తమిళ భాషల్లో ప్రేక్షకులకు సుపరిచితుడైన ఆది పినిశెట్టి ఈ సినిమాలో ప్రతినాయకుడిగా నటిస్తున్న సంగతి తెలిసిందే. అక్షరా గౌడ కీలక పాత్రలో కనిపించనున్నారు. రాక్ స్టార్ దేవిశ్రీ ప్రసాద్ ఈ చిత్రానికి సంగీతాన్ని అందిస్తున్నారు.
