Dhamaka: మాస్ మహారాజ రవితేజ, త్రినాథరావు నక్కినల ఫ‌స్ట్ కాంబినేషన్‌లో అవుట్ అండ్ అవుట్ ఎంటర్టైనర్‌గా రూపొందుతున్న చిత్రం ‘ధమాకా’. డబుల్ ఇంపాక్ట్ అనేది ట్యాగ్ లైన్‌. పీపుల్స్ మీడియా ఫ్యాక్టరీ, అభిషేక్ అగర్వాల్ ఆర్ట్స్ సంయుక్తంగా నిర్మిస్తోన్న ఈ భారీ చిత్రానికి నిర్మాతగా టీజీ విశ్వప్రసాద్, సహ నిర్మాతగా వివేక్ కూచిబొట్ల వ్యవహరిస్తున్నారు. ధమాకా కొత్త యాక్షన్ షెడ్యూల్ ఈరోజు హైదరాబాద్లో ప్రారంభ‌మైంది. భారీ సెట్లో రవితేజ, ఫైటర్స్ పై ఉత్కంఠభరితమైన యాక్షన్ సీక్వెన్స్‌ ను రూపొందిస్తోంది చిత్ర యూనిట్‌. ఈ ఎపిసోడ్‌ని రామ్-లక్ష్మణ్ మాస్టర్లు పర్యవేక్షిస్తున్నారు.
పెళ్లిసందడి సినిమాతో మంచి గుర్తింపు తెచ్చుకున్న నటి శ్రీలీల ఈ సినిమాలో రవితేజ సరసన హీరోయిన్‌గా నటిస్తోంది. ముఖ్య పాత్రల్లో ఫేమస్ నటీనటులు కనిపించ బోతున్నారు. ఇక సాంకేతికంగానూ గొప్ప టెక్నీషియన్లు ఈ ప్రాజెక్ట్‌ కి వర్క్ చేస్తున్నారు.
ప్రసన్నకుమార్ బెజవాడ ఈ చిత్రానికి కథ, మాటలు అందిస్తున్నారు. భీమ్స్ సిసిరిలియో సంగీతాన్ని అందిస్తుండగా.. కార్తీక్ ఘట్టమనేని కెమెరామెన్‌గా వ్యవహరించ నున్నారు. మిగతా నటీనటులు, సాంకేతిక బృందాన్ని చిత్రయూనిట్ త్వరలోనే ప్రకటించనుంది. ఈ ఎపిసోడ్ గురించి నిర్మాత టిజి విశ్వ ప్రసాద్ మాట్లాడుతూ ‘ హై-ఆక్టేన్ యాక్షన్ ఎపిసోడ్. ఇది చిత్రానికి చాలా కీలకం. అందుకే బడ్జెట్‌లో ఎక్కడా రాజీ పడకుండా భారీ సెట్‌ వేశాం. మాస్ ఆడియ‌న్స్‌ కి, యాక్షన్ సినిమాల అభిమానులకు ఇది త‌ప్ప‌కుండా ఫీస్ట్‌ అవుతుంది” అన్నారు.
