HIT-2: హీరో నాని వాల్‌పోస్టర్‌ సినిమా బ్యానర్ పై ప్రశాంతి త్రిపురనేనితో కలిసి తొలి చిత్రంగా అ! సినిమాను రూపొందించి స‌క్సెస్ సాధించారు. రెండో చిత్రంగా ‘హిట్’ అనే థ్రిల్లర్‌ను రూపొందించి సూపర్ డూపర్ హిట్ సాధించారు. రీసెంట్‌గా హిట్ సినిమాకు ఫ్రాంచైజీగా ‘హిట్ 2 ద సెకండ్ కేస్’ చిత్రాన్ని రూపొందిస్తోన్న సంగతి తెలిసిందే. క్రైమ్‌ ఇన్వెస్టిగేషన్‌ డ్రామా ఇది. హిట్ సినిమాతో ఆడియెన్స్ మెప్పించిన ద‌ర్శ‌కుడు శైలేష్ కొల‌ను ద‌ర్శ‌క‌త్వంలోనే హిట్ 2 ద సెకండ్ కేస్ సినిమా రూపొందుతోంది.
‘హిట్ 2 ద సెకండ్ కేస్’ చిత్రాన్ని జులై 29న విడుదల చేస్తున్నట్లు మేకర్స్ ప్రకటించారు. క్ష‌ణం, ఎవ‌రు, గూఢ‌చారి వంటి చిత్రాల‌తో వ‌రుస సూపర్ హిట్స్ సాధించిన టాలెంటెడ్ హీరో అడివి శేష్ ఇందులో హీరోగా న‌టించారు. ఈ మూవీలో అడివి శేష్ కృష్ణ దేవ్‌ అలియాస్‌ కె.డి పాత్రలో మెప్పించున్నారు. తెలంగాణ రాష్ట్రానికి చెందిన పోలీస్‌ ఆఫీసర్‌ అమ్మాయి మిస్సింగ్‌ కేసుని ఎలా డీల్‌ చేశాడనే కాన్సెప్ట్‌తో హిట్ (మోమిసైడ్‌ ఇంటర్‌వెన్షన్‌ టీమ్‌) సినిమాను రూపొందించిన సంగతి తెలిసిందే. ఇప్పుడు ఆంధ్రప్రదేశ్‌ చెందిన హిట్ టీమ్‌ ఆఫీసర్‌ కృష్ణ దేవ్‌ అలియాస్‌ కె.డి ఈ ఎగ్జయిటింగ్‌ జర్నీతో ప్రేక్ష‌కుల ముందుకు రాబోతున్నారు.
డైరెక్ట‌ర్ శైలేష్ ఖాతాలో ఫస్ట్ పార్ట్ ని పర్ఫెక్ట్ గా హ్యాండిల్‌ చేశారన్న క్రెడిట్‌ ఆల్రెడీ ఉంది. హిట్ సీక్వెల్‌ని కూడా పర్ఫెక్ట్ ఇన్వెస్టిగేషన్‌ డ్రామాగా, మరిన్ని థ్రిల్లింగ్‌ ఎలిమెంట్స్ జోడించి తెరకెక్కించారు. ఆల్రెడీ హిందీలో హిట్ ఫస్ట్ పార్ట్ రీమేక్‌ని రాజ్‌కుమార్‌ రావుతో పూర్తి చేశారు మన యంగ్ అండ్ టాలెంటెడ్ డైరెక్ట‌ర్ శైలేష్. హిట్ 2 రిలీజ్ డేట్‌ను అనౌన్స్ చేయ‌టంతో పాటు ఓ ఆసక్తికరమైన పోస్టర్‌ని కూడా రిలీజ్ చేశారు ద‌ర్శ‌క నిర్మాత‌లు. శేష్ ముందు ఏదో కేసు… దాన్ని ఎలా సాల్వ్ చేయాలని దీర్ఘంగా ఆలోచిస్తున్నట్టు శేష్ ఉన్న ఫొటోను రిలీజ్ చేశారు.
Also Read : జూన్ 3న ‘మేజర్’ విడుదల
