Teaser Out: ‘ఉప్పెన’ సినిమాతో సెన్సేష‌న‌ల్ బ్లాక్ బ‌స్ట‌ర్ సాధించిన యువ క‌థానాయ‌కుడు వైష్ణవ్ తేజ్ హీరోగా న‌టించిన తాజా చిత్రం ‘రంగ‌రంగ వైభవంగా’. ప్ర‌ముఖ నిర్మాణ సంస్థ శ్రీ వెంక‌టేశ్వ‌ర సినీ చిత్ర ఎల్ఎల్‌పి బ్యాన‌ర్ పై తమిళంలో అర్జున్ రెడ్డి చిత్రాన్ని తెరకెక్కించిన డైరెక్టర్ గిరీశాయ ద‌ర్శ‌కుడిగా బి.వి.ఎస్‌.ఎన్‌.ప్ర‌సాద్ ఈ చిత్రాన్ని నిర్మించారు. వైష్ణవ్ తేజ్ స‌ర‌స‌న కేతికా శ‌ర్మ హీరోయిన్‌. సినిమా రిలీజ్‌కి సిద్ధంగా ఉంది. ఈ సంద‌ర్భంగా ఈ సినిమా టీజర్ విడుదల చేశారు. త్వ‌ర‌లోనే సినిమాను రిలీజ్ చేయ‌డానికి మేక‌ర్స్ స‌న్నాహాలు చేస్తున్నారు.
ఈ కార్య‌క్ర‌మంలో నిర్మాత బి.వి.ఎస్‌.ఎన్‌.ప్ర‌సాద్ మాట్లాడుతూ… ‘‘మెగా హీరోలందరితోనూ సినిమాలు చేశాను. ఇప్పుడు వైష్ణవ్ తేజ్‌తో రంగ రంగ వైభవంగా సినిమా చేశాను. సినిమా రిలీజ్‌కి సిద్ధంగా ఉంది. అన్ని సినిమాలు హిట్ అయిన‌ట్లే ఈ సినిమా కూడా హిట్ అవుతుంద‌ని భావిస్తున్నాను’’ అన్నారు.
హీరో వైష్ణవ్ తేజ్ మాట్లాడుతూ… ‘‘టీజర్ అందరికీ నచ్చే ఉంటుంది. సినిమా కూడా నచ్చుతుంది. సపోర్ట్ చేసిన టీమ్ మెంబర్స్ సహా అందరికీ థాంక్స్’’ అన్నారు.
చిత్ర దర్శ‌కుడు గిరీశాయ మాట్లాడుతూ… ‘ఈ సినిమా ఇక్క‌డ వ‌ర‌కు వ‌చ్చిందంటే ముఖ్య కార‌ణం.. వైష్ణవ్ తేజ్‌గారే. పాట‌లు రిలీజ్ అయిన‌ప్పుడు చాలా మంది నాకు ఫోన్ చేసి వైష్ణవ్ గారి లుఖ్ అదిరిపోయింద‌ని, చించేశార‌ని అన్నారు. నిజంగానే మా సినిమాలో వైష్ణ‌వ్‌గారు కొత్త‌గా క‌నిపిస్తారు. ఆయ‌న ఎన‌ర్జీ నెక్ట్స్ లెవ‌ల్‌లో ఉంటుంది. ఆయ‌న ఎన‌ర్జీయే మా రంగ రంగ వైభవంగా సినిమా. మేం రాధ పాత్ర‌కు చాలా మంది హీరోయిన్స్‌ని అనుకున్నాం. చాలా మందిని లుక్ టెస్ట్ చేశాం. ఓరోజు కేతికా శ‌ర్మ‌ను లుక్ చేసిన‌ప్పుడు ఆమె క‌ళ్లు చూడ‌గానే ఆమె నా రాధ అని ఫిక్స్ అయిపోయాను. త‌ను అద్భుతంగా ఆ పాత్ర‌ను క్యారీ చేసింది. అందుకు థాంక్స్. దేవిశ్రీప్ర‌సాద్‌గారితో ఓ సినిమా అయినా ప‌ని చేయాల‌ని అనుకునేవాడిని. నా తొలి సినిమానే ఆయ‌న‌తో క‌లిసి ప‌నిచేయ‌డం చాలా ఆనందంగా ఉంది. సినిమాటోగ్రాఫ‌ర్ శ్యామ్‌గారు మంచి విజువ‌ల్స్ ఇచ్చారు. అవినాష్ కొల్ల‌గారు మంచి ఎఫ‌ర్ట్ పెట్టి వ‌ర్క్ చేశారు. ఈ సినిమాకు మెయిన్ పిల్ల‌ర్ వంటి అర్జున్ ప్ర‌సాద్ క్యారెక్ట‌ర్‌ను నవీన్ చంద్ర‌గారు చేశారు. మా ఎంటైర్ టీమ్‌కి థాంక్స్. ఈ సినిమా చూసిన త‌ర్వాత నా సామి రంగా.. రంగ రంగ వైభవంగా అని మెగా ఫ్యాన్స్ ఫీల్ అవుతారు’’ అన్నారు.
Also Read : వైష్ణవ్ తేజ్ ‘రంగ రంగ వైభవంగా’ రిలీజ్ డేట్ ఫిక్స్
