విష్ణు మంచు సన్నీ లియోన్, పాయల్ రాజ్‌పుత్‌ నటీనటులుగా డైనమిక్ డైరెక్టర్ ఈషన్ సూర్య హెల్మ్ దర్శకత్వంలో అవా ఎంటర్‌టైన్‌మెంట్, 24 ఫ్రేమ్స్ ఫ్యాక్టరీ పతాకాల పై నిర్మిస్తున్న చిత్రం జిన్నా. ఈ చిత్రానికి అనూప్ రూబెన్స్ సంగీతం అందిస్తుండగా ఛోటా కె. నాయుడు సినిమాటోగ్రఫీ అందిస్తున్నారు. శరవేగంగా షూటింగ్ జరుపుకుంటున్న ఈ చిత్రంలోని మంచు విష్ణు ఫస్ట్ లుక్ ను విడుదల చేశారు. ఈ ఫస్ట్ లుక్ లో కొరియోగ్రాఫర్ ప్రేమ్ రక్షిత్, చోటా కే నాయుడు కనిపించడం విశేషం.
వైట్ & వైట్ డ్రెస్ లో ఉన్న మంచు విష్ణు లుక్ సినీ అభిమానులలో మరింత క్యూరియాసిటీని క్రియేట్ చేసేలా ఉంది. ఇంతకు ముందు విడుదల చేసిన ప్రీ లుక్ కు ప్రేక్షకుల నుండి మంచి రెస్పాన్స్ వచ్చింది. ఈ చిత్రంలో సన్నీలియోన్, పాయల్ రాజ్‌పుత్‌లు హీరోయిన్లుగా నటిస్తున్నారు. అలాగే ఇంతకు ముందు విష్ణు నటించిన రెండు చిత్రాలకు స్క్రిప్ట్‌లు అందించిన కోన వెంకట్ చిత్రానికి కథ – స్క్రీన్‌ప్లే అందించారు. మ‌రి.. స‌రైన స‌క్సెస్ కోసం ఎదురు చూస్తున్న విష్ణుకు జిన్నా ఆశించిన విజ‌యాన్ని అందిస్తుందో లేదో చూడాలి.
