నంద‌మూరి కళ్యాణ్ రామ్ న‌టించిన లేటెస్ట్ మూవీ బింబిసార. ఈ సినిమా ద్వారా వ‌శిష్ట్ డైరెక్ట‌ర్ గా ఇంట్ర‌డ్యూస్ అవుతున్నారు. ఎన్టీఆర్ ఆర్ట్స్ బ్యానర్ పై భారీ సోషియో ఫాంట‌సీ మూవీగా రూపొందిన బింబిసార భారీ అంచ‌నాల‌తో ఆగ‌ష్టు 5న రిలీజ్. ఒక్క ట్రైల‌ర్ తోనే బింబిసార మూవీ అంచ‌నాల‌ను అమాంతం పెంచేసింది. దీంతో ఖ‌చ్చితంగా బింబిసార బ్లాక్ బ‌స్ట‌ర్ స‌క్సెస్ సాధిస్తుంద‌ని టీమ్ అంతా గ‌ట్టి న‌మ్మ‌కంతో ఉన్నారు.
ఈ సినిమా ప్ర‌మోష‌న్స్ లో కళ్యాణ్ రామ్ ని ఎన్టీఆర్ తో కొర‌టాల శివ తెర‌కెక్కించే సినిమా గురించి అడిగితే ప‌లు ఆస‌క్తిక‌ర‌మైన విష‌యాల‌ను బ‌య‌ట‌పెట్టారు. ఇంత‌కీ ఏం చెప్పారంటే.. ఆర్ ఆర్ఆర్ మూవీతో ఎన్టీఆర్ గ్లోబల్ గా ఎంతో గొప్ప పేరు సంపాదించారని, తనతో నెక్స్ట్ చేయబోయే మూవీ అందరి అంచనాలు అందుకునేలా ఎంతో భారీ స్థాయిలో ప్లాన్ చేస్తున్నాం అన్నారు. అందుకే ఈ భారీ చిత్రం ఆలస్యం అవుతోందని అన్నారు.
అలానే బాబాయ్ బాలయ్యతో తమ ఎన్టీఆర్ ఆర్ట్స్ బ్యానర్ లో ఇటీవల ఒక సినిమా నిర్మించాల‌ని భావించాం కానీ.. కొన్ని కారణాల వలన అది కుదరలేదన్నారు. తప్పకుండా రాబోయే రోజుల్లో తమ బ్యానర్ పై బాలయ్య బాబాయ్ తో అందరినీ అలరించే స్థాయిలో ఒక భారీ మూవీ ఉంటుంది. దీనికి సంబంధించి క‌థా చ‌ర్చ‌లు జ‌రుగుతూనే ఉన్నాయి. మంచి కథ సెట్ అయితే తప్పకుండా బాబాయ్ తో మూవీ ఉంటుంద‌ని కళ్యాణ్ రామ్ క్లారిటీ ఇచ్చారు.
Also Read : బింబిసార 2 లో ఎన్టీఆర్? క్లారిటీ ఇచ్చిన కళ్యాణ్ రామ్
