పద్దెనిమిది ఏళ్లు పైబడిన పౌరులందరికీ కొవిడ్‌ టీకాలు వేయాలని తెలంగాణ ప్రభుత్వం ఇప్పటికే నిర్ణయించింది. ఈ నేపథ్యంలో గ్రేటర్‌ హైదరాబాద్‌ పరిధిలో 100 కరోనా వ్యాక్సిన్‌ కేంద్రాలను ఏర్పాటు చేసినట్లు పురపాలక శాఖ ముఖ్య కార్యదర్శి అర్వింద్‌ కుమార్‌ వెల్లడించారు.
ఉదయం 9 గంటల నుంచి మధ్యాహ్నం 3 గంటల వరకు టీకా సేవలు అందుబాటులో ఉంటాయని తెలిపారు. 18 ఏళ్లు పైబడిన వారందరికీ ఉచితంగా కరోనా టీకా వేస్తామన్నారు. కొవిన్‌ పోర్టల్‌లో రిజిస్ట్రేషన్‌ చేసుకొని కేంద్రానికి వెళితే వేచి చూడాల్సిన అవసరం ఉండదని చెప్పారు.
