అక్కినేని అఖిల్ – స్టైలీష్ డైరెక్టర్ సురేందర్ రెడ్డి కాంబినేషన్ లో రూపొందుతోన్న భారీ యాక్షన్ మూవీ ‘ఏజెంట్’. ఈ చిత్రం ఎప్పుడో సెట్స్ పైకి వెళ్లాలి కానీ.. కరోనా కారణంగా ఆగింది. లేటెస్ట్ అప్ డేట్ ఏంటంటే.. జులై సెకండ్ వీక్ నుంచి కృష్ణాపట్నం పోర్టులో షూటింగ్ స్టార్ట్ చేయనున్నారని తెలిసింది. ఈ యాక్షన్ మూవీ కోసం అఖిల్ చాలా కసరత్తులు చేసి రెడీగా ఉన్నాడు.
అంచనాలకు ఏమాత్రం తగ్గకుండా.. అభిమానులు ఆశించినట్టుగా బ్లాక్ బస్టర్ విజయాన్ని అందిస్తానని సురేందర్ రెడ్డి సంపూర్ణ విశ్వాసంతో ఉన్నారు. ఈ సినిమాని నిర్మాత అనిల్ సుంకరతో కలిసి సురేందర్ రెడ్డి నిర్మిస్తుండడం విశేషం. ఇక అఖిల్ నటించిన మోస్ట్ ఎలిజిబుల్ బ్యాచిలర్ విషయానికి వస్తే.. కొన్ని సీన్స్ చిత్రీకరించాల్సివుంది. ప్రస్తుతం పోస్ట్ ప్రొడక్షన్ వర్క్ జరుగుతుంది. ఈ చిత్రానికి బొమ్మరిల్లు భాస్కర్ దర్శకుడు. త్వరలోనే ఈ సినిమా విడుదల పై క్లారిటీ రానుంది. సరైన సక్సస్ కోసం ఎదురు చూస్తున్న అఖిల్ కి మోస్ట్ ఎలిజిబుల్ బ్యాచ్ లర్, ఏజెంట్ చిత్రాలు బిగ్ హిట్ ని అందిస్తాయని ఆశిద్దాం.
