అక్కినేని అఖిల్ ప్రస్తుతం ‘ఏజెంట్’ అనే సినిమా చేస్తున్నారు. ఈ చిత్రానికి డైరెక్ట‌ర్ సురేంద‌ర్ రెడ్డి ద‌ర్శ‌క‌త్వం వ‌హిస్తున్నారు. యాక్ష‌న్ థ్రిల్ల‌ర్ ను పాన్ ఇండియా మూవీగా రూపొందిస్తున్నారు. మ‌మ్ముట్టి ఇందులో కీల‌క పాత్ర పోషిస్తుండ‌డం విశేషం. ఆమ‌ధ్య రిలీజ్ చేసిన టీజ‌ర్ సినిమా పై ఇప్ప‌టి వ‌ర‌కు ఉన్న అంచ‌నాల‌ను పెంచేసింది. ఈ సినిమాతో బ్లాక్ బ‌స్ట‌ర్ సాధించాల‌ని అఖిల్ చాలా క‌ష్ట‌ప‌డ‌తున్నాడు.
అయితే. నాగార్జున. మోహ‌న్ రాజా డైరెక్ష‌న్ లో చిత్రం చేయ‌నున్నారు. ఇందులో అఖిల్ కీల‌క పాత్ర పోషించ‌నున్నాడు. త్వ‌ర‌లో ఈ సినిమాను ప్ర‌క‌టించ‌నున్నారు. ఈ సినిమానే అఖిల్ నెక్ట్స్ మూవీ అవుతుంద‌ని వార్తలు వ‌స్తున్నాయి. ఇప్పుడు అఖిల్ నెక్ట్స్ మూవీ గురించి ఓ ఇంట్ర‌స్టింగ్ న్యూస్ బ‌య‌ట‌కు వ‌చ్చింది. కార్తితో ‘స‌ర్థార్’ మూవీని తెర‌కెక్కించిన పిఎస్ మిత్రన్ తో అఖిల్ మూవీ చేయ‌నున్నాడ‌ట.
స‌ర్థార్ ప్ర‌మోష‌న్స్ లో భాగంగా ఇచ్చిన ఇంట‌ర్ వ్యూలో డైరెక్ట‌ర్ పిఎస్ మిత్రన్ అఖిల్ తో మూవీ గురించి చెప్పారు. ఇంత‌కీ ఏం చెప్పారంటే.. అన్నపూర్ణ స్టూడియోస్ ఫేవరేట్ ప్రొడక్షన్ హౌస్. ఈ బ్యానర్ లో ‘సర్దార్’ చిత్రాన్ని విడుదల చేస్తుండటం ఆనందంగా వుంది. అఖిల్ తో ఓ సినిమా చేయాలని చాలా కాలంగా ఆలోచిస్తున్నాను. తన కోసం ప్రస్తుతం కథ రాస్తున్నాను అని పీఎస్ మిత్రన్ క్లారిటీ ఇచ్చాడు. మ‌రి. ఏజెంట్ మూవీ త‌ర్వాత పిఎస్ మిత్రన్ తో సినిమాను అఖిల్ అనౌన్స్ చేస్తారేమో చూడాలి.
Also Read : ఏజెంట్ లో గాడ్ ఎవ‌రు..?
