టాలీవుడ్‌లో అతి త‌క్కువ మంది నటులు మాత్రమే అసాధారణమైన స్క్రిప్ట్ ఎంచుకుంటూ విభిన్న క‌థా చిత్రాల‌లో న‌టిస్తుంటారు వారిలో శ్రీ‌విష్ణు ఒక‌రు. ప్ర‌స్తుతం ‘బాణం’ ఫేమ్ చైతన్య దంతులూరి ద‌ర్శ‌క‌త్వంలో శ్రీ విష్ణు హీరోగా న‌టిస్తోన్న చిత్రం `భ‌ళా తంద‌నాన`. ప్ర‌ముఖ నిర్మాణ‌సంస్థ వారాహి చ‌ల‌న‌చిత్రం ప‌తాకంపై సాయి కొర్ర‌పాటి స‌మ‌ర్ప‌ణ‌లో ర‌జ‌ని కొర్ర‌పాటి నిర్మిస్తున్నారు.
శ్రీ విష్ణు స‌ర‌స‌న కేథ‌రిన్ థ్రెసా హీరోయిన్‌గా న‌టిస్తున్న ఈ మూవీలో ‘కేజీఎఫ్’ ఫేమ్ ‘గ‌రుడ రామ్’ విల‌న్‌గా న‌టిస్తున్నారు. ఈ రోజు గ‌రుడ‌రామ్ పుట్టిన‌రోజు సంద‌ర్భంగా అతని లుక్‌ని విడుద‌ల‌చేసింది చిత్ర యూనిట్‌. ఈ మూవీలో ఆనంద్‌బాలి అనే ప్ర‌తినాయ‌కుడి పాత్ర‌లో క‌నిపించ‌నున్నారు. అతని లుక్, క్యారెక్టరైజేషన్, బాడీ లాంగ్వేజ్, టైమింగ్ అన్నీ ఈ సినిమాలో భిన్నంగా ఉండ‌బోతున్నాయి అని తెలుస్తోంది. ఐదు పాట‌లు ఉన్న ఈ చిత్రానికి మెలొడి బ్ర‌హ్మ మ‌ణిశ‌ర్మ సంగీత ద‌ర్శ‌కుడు. సురేష్ ర‌గుతు సినిమాటోగ్రాఫ‌ర్‌, శ్రీ‌కాంత్ విస్సా రైట‌ర్‌, మార్తాండ్ కె వెంక‌టేష్ ఎడిట‌ర్‌, గాంధీ న‌డికుడిక‌ర్ ఆర్ట్ డైరెక్ట‌ర్. ప్ర‌స్తుతం ‘భ‌ళా తంద‌నాన’ చిత్రీకర‌ణ శ‌ర‌వేగంగా జ‌రుగుతోంది.
