డైరెక్టర్ బోయపాటి శ్రీను బ్లాక్ బస్టర్ సాధించి మళ్లీ ఫామ్ లోకి వచ్చారు. ఈ సినిమా తర్వాత ఎవరితో సినిమా చేస్తాడా అనుకుంటే.. రామ్ తో సినిమాను ప్రకటించి సర్ ఫ్రైజ్ చేశారు. రామ్ తో బోయపాటి మూవీ చేయడమే ఓ సర్ ఫ్రైజ్ అనుకుంటే… ఈ సినిమాను పాన్ ఇండియా మూవీగా రూపొందిస్తుండడం మరో సర్ ఫ్రైజ్ అని చెప్పచ్చు. అయితే.. ఈ మూవీని ప్రకటించి చాన్నాళ్లు అయ్యింది కానీ.. కథ గురించి ఎలాంటి అప్ డేట్ బయటకు రాలేదు. దీంతో రామ్ ను బోయపాటి ఎలా చూపించనున్నాడు అనేది ఆసక్తిగా మారింది.
లేటెస్ట్ అప్ డేట్ ఏంటంటే.. అఖండ సినిమాలో శివుడ్ని, శివ భక్తిని బాగా వాడుకున్నాడు. అయితే.. తాజాగా బోయపాటి రామ్ తో చేస్తున్న సినిమాలో అయ్యప్ప స్వామిని, అయ్యప్ప భక్తిని హైలైట్ చేస్తూ అఖండ హిట్ ఫార్ములాని మరోసారి ఘనంగా ఎలివేట్ చేయబోతున్నాడని టాక్ వినిపిస్తోంది. ఇదొక ఫ్యామిలీ యాక్షన్ డ్రామా అయినా.. సినిమాలో అయ్యప్ప తాలూకు ఎపిసోడ్ ఒకటి ఉందట. ఈ ఎపిసోడ్ చాలా బాగుంటుందని.. సినిమాకే హైలెట్ గా నిలుస్తుందని టాక్. ఈ సినిమాలో చాలా భాగం కేరళ నేపథ్యంలో సాగుతుందట.
అయ్యప్ప భక్తుడిగా ఈ సినిమాలో రామ్ కనిపించబోతున్నాడు. అన్నట్టు ఈ సినిమాలో రామ్ ద్విపాత్రాభినయం చేయబోతున్నాడు. రామ్ చేయనున్న రెండు పాత్రల్లో చాలా వేరియేషన్స్ ఉన్నాయని తెలుస్తోంది. ముఖ్యంగా రామ్ బాడీ లాంగ్వేజ్ కి సరిపడే సరికొత్త స్టోరీతో బోయపాటి ఈ సినిమా కథని ప్లాన్ చేశాడట. బ్లాక్ బస్టర్ మూవీ అఖండ తర్వాత బోయపాటి చేస్తున్న సినిమా కావడంతో.. ఈ సినిమా పై భారీ అంచనాలు ఉన్నాయి. ఇది రామ్, బోయపాటి ఇద్దరికీ ఫస్ట్ పాన్ ఇండియా మూవీ. మరి.. పాన్ ఇండియా రేంజ్ లో ఎంత వరకు మెప్పిస్తారో చూడాలి.
Also Read : రామ్, బోయపాటి కాంబో మూవీ ప్రారంభం
