ప్రభాస్ ‘ఆదిపురుష్‌’, ‘సలార్’, ప్రాజెక్ట్ కే చిత్రాల్లో నటిస్తున్నారు. ఈ సినిమాతో పాటు రీసెంట్ గా మారుతి డైరెక్షన్ లో ప్రభాస్ మూవీ సార్ట్ చేసారు. ఈ చిత్రాన్ని పీపుల్ మీడియా ఫ్యాక్టరీ సంస్థ నిర్మిస్తుంది. ఈ చిత్రానికి రాజా డీలక్స్ అనే టైటిల్ పరిశీలిస్తున్నట్టుగా వార్తలు వస్తున్నాయి. ఇందులో ప్రభాస్ ను మారుతి సరికొత్తగా చూపించనున్నారని.. ఫుల్ లెంగ్త్ ఎంటర్ టైనింగ్ గా ఈ సినిమా ఉంటుందని తెలిసింది. ఆల్రెడీ షూటింగ్ స్టార్ట్ చేసినప్పటికీ ఇప్పటి వరకు అఫిషియల్ గా ఈ సినిమాని మేకర్స్ ప్రకటించలేదు.
ఇదిలా ఉంటే.. ఈ మూవీకి సంబంధించిన ఆసక్తికరమైన వార్త ప్రచారంలోకి వచ్చింది. ఏంటంటే.. ఈ సినిమాలో ఓ కీలక పాత్రలో బాలీవుడ్ నటుడు కనిపించ బోతున్నాడని సమాచారం. రాజా డీలక్స్ లో ప్రభాస్ తాత పాత్రకు ఎంతో ప్రాధాన్యం ఉందట. అందువల్ల ఈ పాత్రకు బాలీవుడ్ యాక్టర్ అయితే బాగుంటుందని మేకర్స్ భావించారట. ఈ రోల్‌ కోసం బొమన్ ఇరానీని సంప్రదించగా అంగీకరించాడని తెలుస్తోంది. గతంలో బొమన్ ఇరానీ పవర్ స్టార్ అత్తారింటికి దారేది సినిమాలో నటించారు. అలాగే రవితేజ బెంగాల్ టైగర్ మూవీలో నటించారు.
ఇప్పుడు ప్రభాస్, మారుతి మూవీలో నటించనున్నారని తెలిసినప్పటి నుంచి ఆయన క్యారెక్టర్ ఎలా ఉంటుంది అనేది ఆసక్తిగా మారింది. ఫుల్ లెంగ్త్ ఎంటర్ టైనింగ్ గా సాగే ఈ మూవీలో హార్రర్ అంశాలు కూడా మేళవించినట్టు సమాచారం. మాళవిక మోహనన్‌, నిధి అగర్వాల్ హీరోయిన్స్‌గా నటించనున్నారని తెలుస్తోంది. ఆదిపురుష్‌, సలార్ చిత్రాల తర్వాత ఈ సినిమాను రిలీజ్ చేసేందుకు ప్లాన్ చేస్తున్నారట. అయితే.. ఈ మూవీ గురించి మరింతగా క్లారిటీ రావాలంటే కొన్ని రోజులు ఆగాల్సిందే.
