ఐకాన్ స్టార్ అల్లు అర్జున్, క్రియేటి డైరెక్టర్ సుకుమార్ కాంబినేషన్లో రూపొందిన మూవీ పుష్ప వరల్డ్ వైడ్ గా సంచలనం సృష్టించిన సంగతి తెలిసిందే. ఈ సినిమాలో ‘తగ్గేదేలే..’ డైలాగ్ ప్రతి ఒక్కరిని విశేషంగా ఆకట్టుకుంది. టాలీవుడ్ లో కన్నా బాలీవుడ్ లో 100 కోట్లకు పైగా కలెక్ట్ చేసి పెద్ద సక్సెస్ సాధించింది. ఇక ఇటీవల రష్యాలో పుష్ప మూవీని రిలీజ్ చేశారు. అక్కడ కూడా ఆడియన్స్ ని మెప్పించి సక్సెస్ ఫుల్ గా రన్ అవుతుంది. దీంతో పుష్ప 2 పై అటు అభిమానుల్లోనూ, ఇటు ఇండస్ట్రీలోనూ భారీ అంచనాలు ఏర్పడ్డాయి.
ఇటీవల పుష్ప 2 షూటింగ్ స్టార్ట్ చేశారు. అవతార్ 2 రిలీజ్ అవుతున్న థియేటర్లో పుష్ప 2 టీజర్ ను రిలీజ్ చేయడానికి ప్లాన్ చేస్తున్నారు. ఈ విధంగా పుష్ప 2 పై మరింత క్రేజ్ తీసుకువచ్చేందుకు సుకుమార్ పక్కా ప్లాన్ రెడీ చేశారు. ఇటీవల రష్యా వెళ్లొచ్చిన పుష్ప టీమ్ త్వరలో షూటింగ్ లో బిజీ కానుంది. అయితే.. పుష్ప మూవీకి వచ్చిన ఆదరణను దృష్టిలో పెట్టుకుని పుష్ప 2 చిత్రాన్ని అంతర్జాతీయ ప్రమాణాలతో తెరకెక్కించడంతో పాటు, ఒకేసారి పలు భాషల్లో విడుదల చేయాలని ప్లాన్ చేస్తున్నారు మేకర్స్. దాదాపు 20 భాషల్లో ఒకేసారి పుష్ప 2 చిత్రాన్ని రిలీజ్ చేసేందుకు ప్లాన్ చేస్తున్నారని తెలిసింది.
ఇదీలా వుంటే… ప్రస్తుతం సెట్స్ పైకి వున్న ఈ చిత్రం నుండి ఒక డైలాగ్ లీక్ అయ్యింది. ‘అడవిలో జంతువులు నాలుగు అడుగులు వెనక్కి వేసాయంటే పులి వచ్చిందని అర్ధం.. అదే పులి నాలుగు అడుగులు వెనక్కి వేసిందంటే.. పుష్ప రాజ్ వచ్చాడని అర్ధం’ … ఇదీ ఆ డైలాగ్. ఈ డైలాగ్ వైరల్ అయ్యింది. దీంతో పుష్ప 2 పై మరింత క్రేజ్ ఏర్పడింది.
Also Read : పుష్ప 2 లో మరో హీరో..?
