సుప్రీమ్‌ హీరో సాయితేజ్‌, దేవ్ కట్టా కాంబినేష‌న్‌లో రూపొందుతోన్న పొలిటిక‌ల్ థ్రిల్లర్‌ `రిపబ్లిక్`. జీ స్టూడియోస్‌ సమర్పణలో జె.బి.ఎంటర్‌టైన్‌మెంట్‌ పతాకంపై ఈ చిత్రాన్నినిర్మాత‌లు జె.భగవాన్, జె.పుల్లారావు నిర్మిస్తున్నారు. ‘గానా ఆఫ్‌ రిపబ్లిక్’ సాంగ్‌ లాంచ్‌ ఈవెంట్‌ హైదరాబాద్‌లోని ప్రసాద్ ల్యాబ్స్ జరిగింది. ‘రిపబ్లిక్’ సినిమాలో కాలేజ్‌ బ్యాక్‌డ్రాప్‌లో సాంగే పాటను ముఖ్య అతిథిగా హాజరైన స్టార్‌ డైరెక్టర్‌ కొరటాల శివ విడుదల చేశారు. ఈ కార్యక్రమంలో హీరో సాయితేజ్‌, డైరెక్టర్‌ దేవ్ కట్టా, నిర్మాతలు జె.భగవాన్, జె.పుల్లారావు, జీస్టూడియోస్‌ ప్రసాద్, సినిమాటోగ్రాఫర్‌ ఎం.సుకుమార్‌, మ్యూజిక్‌ డైరెక్టర్‌ మణిశర్మ, కో డైరెక్టర్‌ కిరణ్, రైటర్‌ బి.వి.ఎస్‌.రవి, సతీశ్‌ తదితరులు పాల్గొన్నారు.
డైరెక్టర్‌ దేవ్ కట్టా మాట్లాడుతూ.. “నేను మణిశర్మగారితో చాలా రోజుల నుంచి ట్రావెల్‌ అవుదామని అనుకుంటున్న సమయంలో ‘రిపబ్లిక్’ సినిమాకు కుదిరింది. చాలా హ్యాపీగా ఉంది. ఈ సాంగ్‌ను రిలీజ్ చేయడానికి కొరటాల శివగారి కంటే బెటర్‌ పర్సెన్‌ మరొకరు ఉండరనిపించింది. ఆయన మా సాంగ్‌ను రిలీజ్ చేయడం చాలా సంతోషం. అలాగే రైటర్‌ బి.వి.ఎస్‌.రవిగారికి థాంక్స్‌. జీ స్టూడియోస్‌వారు స్టార్టింగ్‌ నుంచి ఎంతో సపోర్ట్‌ చేస్తూ వస్తున్నారు. డైరెక్టర్‌గా నాకు ఎంతో స్పేస్‌ ఇచ్చారు. అందువల్ల నేను ఏదైతే అనుకున్నానో దాన్ని చక్కగా ప్రెజెంట్‌ చేయగలుగుతున్నాను. వారికి కూడా ఈ సందర్భంగా థాంక్స్‌ తెలియజేస్తున్నాను. లిరిక్‌ రైటర్‌ రెహమాన్‌ మంచి సాహిత్యాన్ని అందించాడు. అలాగే సాయితేజ్‌కి, నిర్మాతలకు స్పెషల్‌ థాంక్స్‌. ఎంతో సపోర్ట్‌ చేశారు” అన్నారు.
సుప్రీమ్‌ హీరో సాయితేజ్‌ మాట్లాడుతూ.. “గానా ఆఫ్‌ రిపబ్లిక్’ సాంగ్‌ను పెద్ద స్క్రీన్‌పై చూస్తుంటే చాలా హ్యాపీగా ఉంది. కచ్చితంగా మా సినిమాను థియేటర్స్‌లోనే విడుదల చేస్తున్నాం. దేవ్ కట్టాగారు నాకు ఒక మంచి సినిమాను ఇచ్చారు. మణిశర్మగారితో ఎప్పటి నుంచో సినిమా చేయాలని అనుకున్నాను. ఈ సినిమాతో మా జర్నీ స్టార్ట్ అయ్యింది. ఇకపై ఆయనతో చాలా సినిమాలు చేయాలని అనుకుంటున్నాను. కొరటాల శివగారు స్పెషల్‌ గెస్ట్ గా వచ్చి ఆశీర్వదించినందుకు ఆయనకు థాంక్స్‌” అన్నారు.
స్టార్‌ డైరెక్టర్‌ కొరటాల శివ మాట్లాడుతూ… “‘రిపబ్లిక్’లో సాంగ్‌ రిలీజ్ చేయడాన్ని హ్యాపీగా ఫీల్‌ అవుతున్నాను. స్వేఛ్చ గురించి చెప్పే సాంగ్‌.. చాలా బావుంది. ఎంటైర్‌ యూనిట్‌కు ఆల్‌ ది బెస్ట్‌. సాయితేజ్‌ నాకు బ్రదర్‌లాంటోడు. తనతో చిన్న ఎమోషనల్‌ కనెక్ట్‌ ఎప్పుడూ ఉంటుంది. తనకు సక్సెస్‌ వస్తే నాకు సక్సెస్‌ వచ్చినట్లు ఫీల్‌ అవుతాను. తను చేసే సినిమాలన్నీ సక్సెస్‌లు సాధించాలని కోరుకుంటున్నాను. ఈ సినిమా గొప్ప విజయాన్ని సాధించాలని కోరుకుంటున్నాను” అన్నారు.
