నట సింహం నందమూరి బాలకృష్ణ అన్ స్టాపబుల్ రీసెంట్ షో కు హీరోలు ప్రభాస్, గోపీచంద్ ఇద్దరూ గెస్టులుగా వచ్చిన సంగతి తెలిసిందే. ఎంతో గ్రాండ్ గా చిత్రీకరించిన ఈ ఎపిసోడ్ ప్రోమో ఇటీవల విడుదలై యూట్యూబ్ ని షేక్ చేసింది.
ఇక ఈ మోస్ట్ అవైటెడ్ ఎపిసోడ్ ని న్యూ ఇయర్ కానుకగా డిసెంబర్ 30 న ప్రసారం చేయనున్నట్లు ఇటీవల ఆహా వారు ప్రకటించారు. అయితే.. ప్రభాస్, గోపీచంద్ ఎపిసోడ్ పై తమ సోషల్ మీడియా అకౌంట్స్ లో ఒక కీలక పోస్ట్ చేశారు ఆహా టీమ్. ప్రభాస్, గోపీచంద్ ల క్రేజీ ఎపిసోడ్ ని రెండు భాగాలుగా ప్రసారం చేయనున్నామని, అలానే అందులో మొదటి భాగాన్ని గతంలో ప్రకటించిన విధంగానే డిసెంబర్ 30న (బాహుబలి ది బిగినింగ్) , అలానే రెండవ ఎపిసోడ్ ని జనవరి 6న (బాహుబలి ది కన్ క్లూజన్) గా ప్రసారం చేయనున్నట్లు తెలిపారు.
ఇది ఒక రకంగా ప్రభాస్ ఫ్యాన్స్ కి బిగ్ సర్ ఫ్రైజ్ అని చెప్పచ్చు. ఈ స్పెషల్ ఎపిసోడ్ ఎంత మేర ఆడియన్స్ ని ఫ్యాన్స్ ని ఆకట్టుకుని ఎలాంటి రికార్డ్ సెట్ చేస్తుంది అనేది ఆసక్తిగా మారింది. కాగా ఈ ఎపిసోడ్ కి సంబందించి ప్రస్తుతం ఒక స్పెషల్ ప్రోమోని రిలీజ్ చేసారు. అటు ప్రభాస్, ఇటు గోపీచంద్ ఇద్దరూ కూడా సరదాగా నటసింహం బాలకృష్ణ అడిగిన ప్రశ్నలకు సమాధానం ఇస్తున్న ఈ ప్రోమో యూట్యూబ్ లో మంచి క్రేజ్ తో దూసుకెళుతోంది. మరి.. ఈ ఎపిసోడ్ లో ప్రభాస్ ఎలాంటి ఆసక్తికర విషయాలు బయటపెట్టాడో చూడాలి.
