అఖిల్ నటిస్తున్న మూవీ ‘ఏజెంట్’. ఈ మూవీ ఎప్పుడో విడుదల కావాలి కానీ.. ఇంకా షూటింగ్ స్టేజ్ లోనే ఉంది. అయితే.. ఈ మధ్య ఏజెంట్ సమ్మర్ కి రావడం పక్కా అని వార్తలు వస్తున్నాయి. ఈసారి అంతా పక్కాగా రెడీ అయ్యిందని.. అతి త్వరలో టీజర్ తో విడుదల తేదీ ప్రకటిస్తారని టాక్ బలంగా వినిపిస్తోంది. దీంతో అసలు ఏజెంట్ ఎంత వరకు అయ్యింది..? ఏం జరుగుతుంది అని అభిమానులు ఆరా తీస్తున్నారు. ఏజెంట్ చిత్రాన్ని నలభై కోట్లు అనుకుంటే.. ఏకంగా ఎనభై కోట్లు అయ్యింది. మొత్తానికి ఇప్పటికీ షూటింగ్ ఎండింగ్ కి వచ్చింది.
ఏజెంట్ అప్ డేట్ ఏంటంటే… టాకీ పార్ట్ మొత్తం పూర్తయింది. కేవలం అయిదు రోజుల ఛేజ్ మాత్రం ఇంకా షూట్ చేయాల్సివుంది. ఈ ఛేజ్ సీన్ ను విదేశాల్లో తీయాల్సి వుంది. పోస్ట్ ప్రొడక్షన్ తో కలిపి ఏప్రిల్ నాటికి సినిమా ఖచ్చితంగా రెడీ అవుతుంది. సమ్మర్ లో ఈ సినిమాని విడుదల చేయడానికి ప్లాన్ చేస్తున్నారు. ఈ సినిమాకు బజ్ వుంది. అందువల్ల మంచి ఓపెనింగ్ పక్కాగా వుంటుంది. ఇదిలా వుంటే.. అఖిల్ మీద 80 కోట్లా అని అందరూ షాక్ అయ్యారు. మార్కెట్ కు మించి ఖర్చు చేసి సినిమా తీయడంతో నిర్మాత అనిల్ సుంకర మీద అభిమానంతో హీరో అఖిల్ అదే బ్యానర్ లో మరో సినిమా చేయడానికి ఓకే చెప్పారట.
స్టైలీష్ డైరెక్టర్ సురేందర్ రెడ్డి ఏమాత్రం రాజీపడకుండా చెక్కుతూనే ఉన్నాడు. ఇందులో మలయాళ స్టార్ మమ్ముట్టి కీలక పాత్ర పోషిస్తుండడం విశేషం. అఖిల్, మమ్ముట్టి పై చిత్రీకరించిన కీలక సన్నివేశాలు చాలా ఇంట్రస్టింగ్ గా ఉంటాయట. కొత్తమ్మాయి సాక్షి వైద్య కథానాయిక. ఏకే ఎంటర్ టైన్మెంట్ బ్యానర్ పై భారీ చిత్రాల నిర్మాత అనిల్ సుంకర ఏమాత్రం రాజీపడకుండా మంచి క్వాలిటీతో ఈ సినిమాను నిర్మించారు. అఖిల్ నటించిన ఫస్ట్ పాన్ ఇండియా మూవీ కావడంతో అక్కినేని అభిమానులు చాలా ఆశలు పెట్టుకున్నారు. ఏప్రిల్ 14న ఏజెంట్ రావడం పక్కా అని తెలిసింది. మరి.. ఏజెంట్ అంచనాలను ఎంత వరకు అందుకుంటాడో చూడాలి.
Also Read : ‘ఏజెంట్’ వచ్చేస్తున్నాడు..
