ఇప్పుడు ఇండస్ట్రీలో బాగా ఫామ్ లో ఉన్న హీరోయిన్ శ్రీలీల. రాఘవేంద్రరావు తెరకెక్కించిన ‘పెళ్లిసందడి’ చిత్రంతో టాలీవుడ్ కు పరిచయం అయ్యింది. తొలి సినిమాతోనే తన అందం, అభినయంతో అందరి దృష్టిని ఆకర్షించింది. ఇక రీసెంట్ గా రవితేజతో కలిసి ‘ధమాకా’ చిత్రంలో నటించింది. ఈ మూవీలో డ్యాన్స్ అదరగొట్టేసింది అనే పేరు తెచ్చుకుంది. ఇలా వరుసగా రెండు చిత్రాలతో సక్సెస్ సాధించిన ఈ అమ్మడు ఏకంగా మహేష్ బాబు సినిమాలో నటించే లక్కీ ఛాన్స్ దక్కించుకుంది. మహేష్ తో త్రివిక్రమ్ తెరకెక్కిస్తున్న మూవీలో నటిస్తుంది.
ఇప్పుడు ఈ అమ్మడు మరో లక్కీ ఛాన్స్ దక్కించుకుందని టాక్ వినిపిస్తోంది. ఇంతకీ విషయం ఏంటంటే… పవర్ స్టార్ పవన్ కళ్యాణ్ సరసన నటించే ఛాన్స్ వచ్చిందని తెలిసింది. ఏ సినిమాలో అంటే.. పవర్ స్టార్ తో హరీష్ శంకర్ ఓ భారీ చిత్రం చేస్తున్నారు. అదే.. ‘ఉస్తాద్ భగత్ సింగ్’. ఈ చిత్రాన్ని మైత్రీ మూవీ మేకర్స్ నిర్మిస్తుంది. ఈ చిత్రానికి స్ర్కీన్ ప్లేను దర్శకుడు దశరథ్ అందిస్తుండడం విశేషం. ఎప్పటి నుంచో వార్తల్లో ఉన్న ఈ చిత్రం షూటింగ్ మార్చి చివరి నుంచి స్టార్ట్ చేయనున్నారు. ఈ మూవీలో శ్రీలీలను తీసుకోవాలి అనుకుంటున్నారట.
ఇంకా చెప్పాలంటే.. ఆల్ మోస్ట్ శ్రీలీల ఈ మూవీలో నటించడం ఫైనల్ అయినట్టే అని టాక్. మహేష్ బాబుతో సినిమా చేస్తుంది. ఇది ఇంకా పూర్తి కాలేదు.. ఇంతలో పవన్ స్టార్ మూవీలో నటించే ఛాన్స్ అంటే.. శ్రీలీలకు బంపర్ ఆఫరే. ఇదే కనుక జరిగితే ఈ ముద్దుగుమ్మకు క్రేజ్ మామూలుగా ఉండదు. ఇప్పుడు ఇండస్ట్రీలో ఫామ్ లో ఉన్న హీరోయిన్ అంటే శ్రీలీలే కనిపిస్తుంది. ఆమె తప్పా సరైన హీరోయిన్ లేదనే చెప్పచ్చు. అందకనే అందరికీ శ్రీలీల ఓ మంచి ఆప్షన్ లా కనిపిస్తోంది. ఈ అమ్మడుని చూస్తుంటే.. వరుసగా క్రేజీ ప్రాజెక్టుల్లో నటించే ఛాన్స్ దక్కించుకుని చాలా పెద్ద హీరోయిన్ అవుతుంది అనిపిస్తుంది. మరి.. ఏ రేంజ్ కి వెళుతుందో చూడాలి.
