ప్రముఖ నిర్మాణ సంస్థ గీతా ఆర్ట్స్ ‘డ్యాన్సర్’ అనే టైటిల్ రిజిస్టర్ చేయించింది. ఈ వార్త బయటకు వచ్చినప్పటి నుంచి ఈ టైటిల్ ఎవరి కోసం.. అనేది హాట్ టాపిక్ అయ్యింది. అంతే కాకుండా… ఈ టైటిల్ ఐకాన్ స్టార్ అల్లు అర్జున్ కోసమే అని గట్టిగా ప్రచారం జరుగుతుంది. అల్లు అర్జున్ ప్రస్తుతం పుష్ప 2 సినిమా చేస్తున్నారు. ఆతర్వాత త్రివిక్రమ్ డైరెక్షన్ లో ఓ భారీ చిత్రం చేయనున్నారు. ఈ మూవీ తర్వాత అర్జున్ రెడ్డి డైరెక్టర్ సందీప్ రెడ్డి వంగతో సినిమా చేయనున్నారు. దీన్ని అఫిషియల్ గా అనౌన్స్ చేశారు.
ఈ మూవీ తర్వాత బన్నీతో గీతా ఆర్ట్స్ బ్యానర్ లో ‘డ్యాన్సర్’ మూవీ ఉంటుందని టాక్ వినిపిస్తోంది. అయితే.. ఈ టైటల్ బన్నీ కోసం కాదని.. బాలీవుడ్ స్టార్ హృతిక్ రోషన్ కోసమని కూడా వార్తలు వస్తున్నాయి. గీతా ఆర్ట్స్ లో చందు మొండేటి ఓ సినిమా చేయనున్నారు. ఇందులో హృతిక్ రోషన్ నటించనున్నట్టుగా ప్రచారం జరుగుతుంది. ఈ మూవీ కోసమే డ్యాన్సర్ టైటిల్ అంటున్నారు సినీజనాలు. అలాగే గీతా ఆర్ట్స్ బ్యానర్ లో విజయ్ దేవరకొండ ఒక సినిమా చేయడానికి కమిట్ అయ్యాడు. ఈ నేపధ్యంలో అతనికోసమైనా పెట్టి ఉంటాడనే మాట సోషల్ మీడియాలో గట్టిగా వినిపిస్తుంది.
అయితే.. ఈ ప్రచారాల్లో ఎలాంటి వాస్తవం లేదని టాక్. ఆ టైటిల్ తో ఇప్పట్లో ఎవరితో కూడా సినిమా చేసే ఆలోచనలో గీతా ఆర్ట్స్ లేదట. ఇండియా లెవల్ లో బాగా రీచ్ అయ్యేది కావడంతో ముందుగానే టైటిల్ రిజిస్టర్ చేయించారట. డ్యాన్స్ బ్యాక్ డ్రాప్ లో ఏదైనా స్టోరీ సెట్ అయితే.. అప్పుడు ఆ మూవీకి ఈ టైటిల్ పెట్టె ఆలోచనలో ఉన్నారని ఇండస్ట్రీలో వినిపిస్తోంది. మొత్తానికి.. ఈ డ్యాన్సర్ టైటిల్ మాత్రం ఇప్పుడు సోషల్ మీడియాలో ఒక్కసారిగా హాట్ టాపిక్ కావడం విశేషం. మరి.. డ్యాన్సర్ టైటిల్ తో గీతా ఆర్ట్స్ నిర్మించే సినిమాలో హీరోగా ఎవరు నటిస్తారో క్లారిటీ రావాలంటే కొన్నాళ్లు ఆగాల్సిందే.
