బాలకృష్ణ, శ్రీను కాంబినేషన్లో రూపొందిన ‘సింహా’, ‘లెజెండ్’, ‘అఖండ’ చిత్రాలు బ్లాక్ బస్టర్స్ సాధించి బాక్సాఫీస్ దగ్గర సెన్సేషన్ క్రియేట్ చేశాయి. ముఖ్యంగా అఖండ సినిమా అంచనాలకు మించిన విజయం సాధించింది. ఈ చిత్రంలోని అఘోర క్యారెక్టర్ లో బాలయ్య తప్పా ఇంకెవరు అంతలా నటించలేరు అనేంతగా నటించి మెప్పించారు. ఇంకా చెప్పాలంటే.. బాలకృష్ణ నట విశ్వరూపం చూపించారు. దీంతో అఖండ మూవీ ఆయన కెరీర్ లో అత్యథిక కలెక్షన్స్ సాధించిన సినిమాగా నిలిచింది.
అయితే.. అఖండ చిత్రానికి సీక్వెల్ ఉంటుందని బోయపాటి స్వయంగా చెప్పారు. అలాగే బాలకృష్ణ కూడా అఖండ సీక్వెల్ చేస్తామని ప్రకటించడంతో ఈ మూవీ ఎప్పుడు సెట్స్ పైకి వస్తుంది..? అఖండ చిత్ర నిర్మాతే సీక్వెల్ కూడా నిర్మిస్తారా..? లేక వేరే సంస్థలో ఈ చిత్రాన్ని చేస్తారా..? అనేది ఆసక్తిగా మారింది. ఇక ఈ చిత్రం గురించి అప్ డేట్ ఏంటంటే… బాలయ్య పుట్టినరోజు సందర్భంగా జూన్ 10న ‘అఖండ 2’ చిత్రాన్ని ప్రారంభిస్తారని తెలిసింది. గతంలో ఈ మూవీ గురించి వార్తలు వచ్చినప్పుడు గ్యాసిప్ అనుకున్నారు కానీ.. నిజమే అని సమాచారం.
ఈ సినిమాలో పొలిటికల్ అంశాలే మెయిన్ హైలైట్ గా ఉంటాయట. మరో విషయం ఏంటంటే… ఈ సినిమాలో కూడా బాలయ్య ద్విపాత్రాభినయం చేయబోతున్నాడని తెలిసింది. బాలయ్య చేయనున్న రెండు పాత్రల్లో చాలా వేరియేషన్స్ ఉన్నాయని… ముఖ్యంగా సరికొత్త స్టోరీతో బోయపాటి ఈ సినిమా ప్లాన్ చేశాడట. అఖండ సీక్వెల్ కావడంతో.. ఈ సినిమా పై భారీ అంచనాలు ఉన్నాయి. మరి.. ఈసారి ఏ స్థాయి విజయం సాధిస్తారో..?
