బాలకృష్ణ తన కొత్త మూవీకి కొబ్బరికాయ కొట్టారు. ‘ఎన్బీకే 109’ మూవీకి నేడు పూజ జరిగింది. బాబీ దర్శకత్వంలో బాలయ్య హీరోగా నటించనున్నారు.బాలకృష్ణ చాలా జోష్లో ఉన్నాడు. ఈ ఏడాది సంక్రాంతికి వీరసింహారెడ్డితో సినిమాతో ప్రేక్షకుల ముందుకు వచ్చాడు. ప్రస్తుతం ‘భగవంత్ కేసరి’ మూవీ చేస్తున్నాడు. ఈ క్రమంలోనే తన పుట్టిన రోజు సందర్భంగా నేడు జూన్ 10 మరో చిత్రానికి శ్రీకారం చుట్టాడు బాలకృష్ణ. ఈ కొత్త మూవీ పూజ నేడు జరిగింది. బాలకృష్ణ 109వ సినిమా గా ఇది ఉండనుంది. వాల్తేరు వీరయ్య సినిమాతో ఈ ఏడాది మెగాస్టార్ చిరంజీవికి సూపర్ హిట్ ఇచ్చిన బాబీ కొల్లి (కేఎస్ రవీంద్ర).. బాలయ్య 109వ మూవీకి దర్శకత్వం వహిస్తున్నాడు.
ఎన్బీకే 109 అంటూ చిత్రయూనిట్ ఓ పోస్టర్ విడుదల చేసింది. వయిలెన్స్ కా విజిటింగ్ కార్డ్ అంటూ పేర్కొంది. సితార ఎంటర్టైన్మెంట్స్, శ్రీకర స్టూడియోస్, ఫార్చ్యూన్ ఫోర్ సినిమా బ్యానర్లు నాగ వంశీ ఎస్, సాయి సౌజన్య నిర్మాతలుగా ఉన్నారు.బాబీ డైరెక్టర్ గా ఉన్న ఈ ఎన్బీకే 109 ప్రాజెక్టు గురించి సితార ఎంటర్టైన్మెంట్స్ ట్వీట్ చేసింది. గొడ్డలి, కత్తులు, సుత్తులు సహా కొన్ని ఆయుధాలు ఉన్న బాక్స్ లాంటి లుక్ను పోస్ట్ చేసింది.
