‘రామాయణం’ ఇతివృత్తంతో గతంలో చాలానే సినిమాలు వచ్చాయి. అయినా ఇప్పుడు అదే కథతో వస్తున్న ‘ఆదిపురుష్’ పట్ల అందరూ ఆసక్తితో ఉన్నారు. అందుకు కారణం ఈ స్థాయి టెక్నాలజీతో .. ఇంత ఖర్చుతో .. ప్రభాస్ వంటి పాన్ ఇండియా స్టార్ తో ఈ సినిమా వస్తుండటమే. ఈ మధ్య కాలంలో రామాయణానానికి సంబంధించిన సినిమా రాకపోవడం మరో కారణం. ఇక ఈ సినిమాపై వ్యక్తమవుతున్న భిన్నమైన అభిప్రాయాలు మరోకారణం.
ఇంతవరకూ తెలుగు ఆడియన్స్ కి తెలిసిన తెరపై రాముడు వేరు. ఈ సినిమాలో రాముడిగా ప్రభాస్ ను చూపిస్తున్న పద్ధతి వేరు. ఇక సీతాదేవిగా ఆ పాత్రకి కృతి సనన్ సెట్ కాలేదనే మాట సినిమా షూటింగు మొదలైన దగ్గర నుంచి వినిపిస్తున్న మాటనే. ఇక రావణుడిని .. హనుమంతుడిని చూపించిన విధానం కూడా భిన్నంగానే ఉందనే టాక్ ఎక్కువగా వినిపిస్తోంది. దాంతో అసలు ఎలా ఈ కథను తెరపై ఆవిష్కరించారో చూడాలనే ఆత్రుత జనంలో పెరుగుతూ పోతోంది.
ఈ సినిమా గ్రాఫిక్స్ విషయంలో ఆరంభంలో చాలానే విమర్శలు వచ్చాయి. ఆ తరువాత ఈ సినిమా టీమ్ వాటిని సెట్ చేసుకుంటూ రావడం వలన, అంతా సైలెంట్ అయ్యారు. ఇలాంటి ఒక వాతావరణంలో వస్తున్న ఈ సినిమాపైనే అందరూ కూడా దృష్టిపెట్టారు. ఈ సినిమా అతిపెద్ద బ్లాక్ బస్టర్ కావాలనే ఉద్దేశంతో ప్రభాస్ ఫ్యాన్స్ ఉన్నారు. ఎందుకంటే దీనికి ముందు వచ్చిన ప్రభాస్ రెండు పాన్ ఇండియా సినిమాలు నిరాశపరిచాయి. అందువలన ఈ సినిమా విజయం ఇప్పుడు ప్రభాస్ కి చాలా కీలకమనే చెప్పాలి.
