చిరంజీవి ప్రస్తుతం ‘భోళా శంకర్’ మూవీ చేస్తున్నారు. మెహర్ రమేష్ డైరెక్షన్ లో రూపొందుతున్న ఈ భారీ చిత్రం షూటింగ్ చివరి దశకు వచ్చింది. ఇందులో చిరుకు జంటగా తమన్నా నటిస్తుంటే.. చెల్లెలుగా కీర్తి సురేష్ నటిస్తుంది. అక్కినేని ఫ్యామిలీ హీరో సుశాంత్ గెస్ట్ రోల్ చేస్తుండడం విశేషం. ఆగష్టు 11న భోళా శంకర్ మూవీ విడుదల కానుంది. ఇక అసలు విషయానికి వస్తే… కళ్యాణ్ కృష్ణతో చిరంజీవి ఓ సినిమా చేయనున్నారు. కామెడీ యాక్షన్ ఎంటర్ టైనర్ గా రూపొందే ఈ చిత్రానికి సంబంధించి ప్రీ ప్రొడక్షన్ వర్క్ జరుగుతుంది.
ఇందులో యంగ్ హీరో సిద్దు జొన్నలగడ్డ కూడా నటిస్తుండడం ఓ విశేషం అయితే.. చిరంజీవి, సిద్దు తండ్రీకొడుకులగా నటిస్తుండడం మరో విశేషం. మెగా డాటర్ సుస్మిత కొణిదెల ఈ చిత్రాన్ని అత్యంత ప్రతిష్టాత్మకంగా నిర్మించేందుకు ప్లాన్ చేస్తుంది. అతి త్వరలో ప్రకటించనున్న ఈ చిత్రాన్ని వీలైనంత ఫాస్ట్ గా కంప్లీట్ చేయాలి అనుకుంటున్నారట. అన్నీ అనుకున్నట్టు జరిగితే సంక్రాంతికి ఈ చిత్రాన్ని విడుదల చేయాలి అనేది ప్లాన్ అని సమాచారం. ఈ సంవత్సరం సంక్రాంతికి వాల్తేరు వీరయ్య సినిమాతో బ్లాక్ బస్టర్ సాధించి సంచలనం సృష్టించారు.
ఇప్పుడు వచ్చే సంక్రాంతికి కూడా బాక్సాఫీస్ బరిలోకి దిగాలి అనుకుంటున్నారు. ప్రభాస్ ప్రాజెక్ట్ కే, మహేష్ గుంటూరు కారం, రవితేజ ఈగల్ చిత్రాలు సంక్రాంతికి వస్తున్నట్టు ప్రకటించారు. ఇప్పుడు మెగాస్టార్ చిరంజీవి కూడా పోటీకి సై అంటే.. సంక్రాంతికి బాక్సాఫీస్ దగ్గర పోటీ మరింత రసవత్తరంగా మారడం ఖాయం. నాగార్జున చేయనున్న సినిమాను కూడా సంక్రాంతి బరిలోకి దింపాలి అనుకుంటున్నారు. మరి.. ఇందులో ఎన్ని సినిమాలు పోటీకి సై అంటాయో.. ఏ ఏ సినిమాలు పోటీ నుంచి తప్పుకుంటాయో చూడాలి.
