విజయ్ దేవరకొండ ప్రస్తుతం ‘ఖుషి’ సినిమా చేస్తున్నారు. శివ నిర్వాణ డైరెక్టర్. విజయ్ కు జంటగా సమంత నటిస్తుంది. మైత్రీ మూవీ మేకర్స్ నిర్మిస్తున్న ఈ చిత్రాన్ని సెప్టెంబర్ 1న విడుదల చేయనున్నారు. అయితే.. విజయ్ ఇటీవల పరశురామ్ తో కొత్త సినిమాను ప్రారంభించాడు. ఈ చిత్రాన్ని శ్రీ వెంకటేశ్వర క్రియేషన్స్ బ్యానర్ పై దిల్ రాజు నిర్మిస్తున్నారు. గీత గోవిందం కాంబినేషన్లో రూపొందుతున్న ఈ చిత్రం పై భారీ అంచనాలు ఉన్నాయి. ఇందులో విజయ్ దేవరకొండక జంటగా మృణాల్ సేన్ నటిస్తుంది.
గీత గోవిందం యూత్ టార్గెట్ గా రూపొందితే.. ఈ సినిమా ఫ్యామిలీ ఆడియన్స్ టార్గెట్ గా రూపొందుతుంది. హీరో క్యారెక్టర్ బలంగా వుంటూనే, అవుట్ అండ్ అవుట్ ఎంటర్ టైన్ మెంట్ తో వుంటుందట. ఈ చిత్రానికి ఫ్యామిలీ స్టార్ అనే టైటిల్ పరిశీలిస్తున్నారు. ఈ టైటిల్ తో పాటు ‘కుటుంబరావ్’ అనే టైటిల్ కూడా పరిశీలిస్తున్నారని తెలిసింది. ‘ఫ్యామిలీ స్టార్’, ‘కుటుంబరావ్’ ఈ రెండు టైటిల్స్ డిఫరెంట్ గా ఉన్నాయి. ఈ రెండు టైటిల్స్ తో పాటు మరో టైటిల్ ఏదైనా దొరుకుతుందా అని ఆలోచిస్తున్నారని సమాచారం.
ప్రస్తుత ఖుషి షూటింగ్ లో ఉన్న విజయ్ దేవరకొండ.. త్వరలోనే ఈ మూవీ షూటింగ్ లో జాయిన్ కానున్నాడు. ఈ చిత్రాన్ని సాధ్యమైనంత త్వరగా కంప్లీట్ చేసేలా ప్లాన్ చేస్తున్నారు. ఈ సినిమాతో పాటు గౌతమ్ తిన్ననూరితో కూడా సినిమా చేయాల్సివుంది. ఈ రెండు సినిమాలను సమాంతరంగా చేసేలా ప్లాన్ చేసుకున్నాడు. లైగర్ డిజాస్టర్ అవ్వడంతో ఇక నుంచి కథాబలం ఉన్న సినిమాలనే చేయాలని ఫిక్స్ అయ్యాడు. కథల ఎంపికలో చాలా జాగ్రత్తలు తీసుకుంటున్నాడు. మరి.. ఈ సినిమాలతో విజయ్ మళ్లీ ట్రాక్ లోకి వస్తాడేమో చూడాలి.
