సినిమా చూపిస్తా మావ సినిమాతో రైటర్ గా ఇండస్ట్రీకి పరిచయమై అనతి కాలంలోనే మంచి గుర్తింపు తెచ్చుకున్న రైటర్ బెజవాడ ప్రసన్న. డైరెక్టర్ నక్కిన త్రినాధరావు తెరకెక్కించిన అన్ని సినిమాలకు కథ – మాటలు అందించాడు ప్రసన్న. దాదాపు ప్రసన్న వర్క్ చేసిన సినిమాలు అన్నీ సక్సెస్ అవ్వడంతో బిజీ అయ్యాడు. అయితే.. ప్రసన్నను నాగార్జున డైరెక్టర్ గా పరిచయం చేయనున్నారని గత కొంతకాలంగా వార్తలు వస్తున్నాయి. మలయాళంలో విజయం సాధించిన ఓ మూవీని ప్రసన్న డైరెక్షన్ లో రీమేక్ చేయాలి అనుకున్నారు కానీ.. ఇప్పటి వరకు ఈ ప్రాజెక్ట్ ను ప్రకటించలేదు.
అయితే.. నాగార్జునతో ప్రసన్న చేయాలి అనుకున్న సినిమా బడ్జెట్ విషయంలో భేదాభిప్రాయాలు రావడంతో ఈ సినిమా క్యాన్సిల్ అయ్యిందని టాక్ వినిపిస్తుంది. ఈ చిత్రాన్ని చిట్టూరి శ్రీనివాస్ నిర్మించాలి అనుకున్నారు. అయితే.. ఈ ప్రాజెక్ట్ క్యాన్సిల్ అవ్వడంతో మరో డైరెక్టర్ కోసం చూస్తున్నారని వార్తలు వస్తున్నాయి. ఇక ధమాకా సినిమాతో రవితేజకి భారీ సక్సెస్ అందించిన రైటర్ ప్రసన్న తాజాగా మాస్ మహారాజాకి ఓ కథ వినిపించి లాక్ చేసుకున్నాడని తెలుస్తుంది. రవితేజ ఇప్పటికే చాలా మంది దర్శకులను ఇండస్ట్రీకి పరిచయం చేశాడు.
ఇప్పుడు రైటర్ ప్రసన్నను దర్శకుడిగా పరిచయం చేసే బాధ్యతను తీసుకున్నట్లు తెలుస్తుంది. ప్రస్తుతం చిరంజీవి, కళ్యాణ్ కృష్ణ సినిమాకు కథ , స్క్రీన్ ప్లే అందిస్తున్నాడు ప్రసన్న కుమార్. ఈ సినిమా అయ్యాక రవితేజతో తన డైరెక్షన్ సినిమా స్టార్ట్ చేసే ఆలోచనలో ఉన్నాడని టాక్ వినిపిస్తుంది.
