మహేష్ బాబు, రాజమౌళి కాంబినేషన్లో రూపొందే సినిమా గురించి గత కొంతకాలంగా వార్తలు వస్తున్నాయి కానీ.. ఇంకా అఫిషియల్ గా అనౌన్స్ చేయలేదు. ప్రస్తుతం ప్రీ ప్రొడక్షన్ వర్క్ జరుగుతుంది. ఈ ఇయర్ ఎండింగ్ లో ఈ సినిమాకి సంబంధించి వర్క్ షాపు స్టార్ట్ చేసి… జనవరి నుంచి షూటింగ్ స్టార్ట్ చేయడానికి ప్లాన్ చేస్తున్నారు. భారీ అడ్వెంచర్ యాక్షన్ మూవీ ఈ సినిమా ఉంటుందని సమాచారం. ఆర్ఆర్ఆర్ మూవీతో ఇంటర్నేషనల్ గా రాజమౌళికి పేరు రావడంతో ఈ చిత్రాన్ని పాన్ వరల్డ్ మూవీగా ప్లాన్ చేస్తున్నారు.
అయితే.. ఈ సినిమా ఇంకా స్టార్ట్ కాలేదు కానీ.. గత కొంత కాలంగా ఈ మూవీకి సంబంధించి ఏదో వార్త ప్రచారంలోకి వస్తూనే ఉంది. ఇందులో విలన్ గా అమీర్ ఖాన్ నటించనున్నట్టుగా ప్రచారం జరుగుతుంది. దీని పై ఎలాంటి క్లారిటీ లేదు. అయితే.. ఈ సినిమా గురించి రైటర్ విజయేంద్రప్రసాద్ ఇంట్రస్టింగ్ అప్ డేట్ ఇచ్చారు. కథ ఇంకా పూర్తి కాలేదు. జులై ఎండింగ్ కి కంప్లీట్ అవుతుంది. ఇక క్లైమాక్స్ విషయానికి వస్తే.. ప్రేక్షకుల ఊహకే వదిలేసేలా.. పార్ట్ 2 చేసే అవకాశం ఉండేలా రాస్తున్నట్టుగా తెలియచేశారు.
మహేష్ పుట్టినరోజు సందర్భంగా ఆగష్టు 9న ఈ చిత్రాన్ని అనౌన్స్ చేయనున్నట్టుగా టాక్ వినిపిస్తుంది. మరి కొద్ది రోజుల్లో ఈ వార్త పై క్లారిటీ వచ్చే ఛాన్స్ ఉంది. ఈ సినిమాలో దీపికా పడుకునే నటించనున్నట్టుగా కూడా వార్తలు వస్తున్నాయి కానీ.. ఇంకా నటీనటులు ఎవరు అనేది ఇంకా ఫైనల్ కాలేదని సమాచారం.
