అక్కినేని అఖిల్ కెరీర్ స్టార్ట్ చేసినప్పుడు అభిమానులు మాత్రమే కాదు.. కామన్ ఆడియన్స్ కూడా చాలా ఆశలు పెట్టుకున్నారు. తొలి సినిమాతోనే బ్లాక్ బస్టర్ సాధిస్తాడని అంతా అనుకున్నారు. అయితే.. వినాయక్ తెరకెక్కించిన అఖిల్ మూవీ ఏమాత్రం ఆకట్టుకోలేకపోయింది. ఆతర్వాత అఖిల్ హలో, మిస్టర్ మజ్ను చిత్రాలు చేశాడు. ఈ రెండు సినిమాలు ఫరవాలేదు అనిపించాయి కానీ.. కమర్షియల్ గా పెద్దగా వర్కవుట్ కాలేదు. ఇక నాలుగవ చిత్రంగా బొమ్మరిల్లు భాస్కర్ డైరెక్షన్ లో మోస్ట్ ఎలిజిబుల్ బ్యాచ్ లర్ అనే సినిమా చేశాడు. ఈ సినిమా సక్సెస్ సాధించింది.
అఖిల్ తొలి సక్సెస్ సాధించాడు.. ఇక ట్రాక్ లోకి పడినట్టే అనుకుంటే.. ఏజెంట్ సినిమాతో భారీ డిజాస్టర్ ఇచ్చాడు. సురేందర్ రెడ్డి డైరెక్షన్ లో తెరకెక్కిన ఏజెంట్ మూవీ ఏమాత్రం ఆకట్టుకోలేకపోయింది. కథ లేకుండానే కాంబినేషన్ ను నమ్మి చేసిన సినిమా ఇది. అందుకే ఇలాంటి రిజెల్ట్ వచ్చింది. ఏజెంట్ సినిమా వచ్చి వెళ్లిపోయింది కానీ.. ఇంత వరకు కొత్త సినిమా ప్రకటించలేదు. యు.వీ. క్రియేషన్స్ బ్యానర్ లో అఖిల్ సినిమా అంటూ గత కొన్ని రోజులుగా వార్తలు వస్తున్నాయి కానీ.. అఫిషియల్ గా అనౌన్స్ చేయలేదు.
తాజాగా ఓ ఇంట్రస్టింగ్ న్యూస్ బయటకు వచ్చింది. ఏంటంటే.. ఈ సినిమాలో అఖిల్ కు జంటగా జాన్వీ కపూర్ నటిస్తుందట. అలాగే ఈ చిత్రాన్ని రాజమౌళి సమర్పణలో నిర్మించనున్నారని.. అలాగే బాలీవుడ్ ప్రొడక్షన్ ధర్మ ప్రొడక్షన్ కూడా నిర్మాణంలో భాగం పంచుకుంటుందని టాక్ వినిపిస్తుంది. కొత్త దర్శకుడు అనిల్ తెరకెక్కించే ఈ సినిమాలో విలన్ గా సుదీప్ నటించనున్నారని.. విజయ్ సేతుపతి కీలక పాత్ర పోషించనున్నారని వార్తలు వస్తున్నాయి. త్వరలోనే ఈ చిత్రాన్ని ప్రకటించనున్నారని తెలిసింది. మరి.. ప్రచారంలో ఉన్నట్టుగా జరిగితే ఈ ప్రాజెక్ట్ పై మరింత క్రేజ్ రావడం ఖాయం.
