‘అఖండ’, ‘వీరసింహారెడ్డి’ సినిమాలతో రెండు వరుస బ్లాక్ బస్టర్స్ సాధించిన బాలయ్య ప్రస్తుతం ‘భగవంత్ కేసరి’ చేస్తున్నారు. ఈ చిత్రాన్ని డైరెక్టర్ అనిల్ రావిపూడి తెరకెక్కిస్తున్నారు. ఇటీవలే ఈ సినిమా టీజర్ రిలీజ్ చేశారు. దీనికి అనూహ్య స్పందన వచ్చింది. బాలయ్యకు జంటగా కాజల్ నటిస్తుంటే… కూతురుగా శ్రీలీల నటిస్తోంది. శరవేగంగా షూటింగ్ జరుపుకుంటున్న ఈ చిత్రాన్ని దసరాకి విడుదల చేయడానికి ప్లాన్ చేస్తున్నారు.
భగవంత్ కేసరి తర్వాత బాబీతో తన 109వ సినిమాను బాలయ్య చేస్తున్నారు. సితార ఎంటర్ టైన్మెంట్స్ నిర్మిస్తున్న ఈ చిత్రాన్ని ఇటీవలే పూజా కార్యక్రమాలతో ప్రారంభించారు. ఈ సందర్భంగా రిలీజ్ చేసిన ఫస్ట్ లుక్ చాలా డిఫరెంట్ గా…. సినిమా ఎంత వయలెంట్ గా ఉండబోతుందో చెప్పకనే చెప్పింది. మెగాస్టార్ చిరంజీవిని అభిమానులు కోరుకున్నట్టుగా చూపించిన దర్శకుడు బాబీ బాలయ్యను ఎలా చూపిస్తారనేది ఆసక్తిగా మారింది.
అయితే.. ఈ సినిమా విడుదల తేదీపై ఆసక్తికరమైన చర్చ జరుగుతోంది. డిసెంబర్ కు షూటింగ్ కంప్లీట్ చేసి సంక్రాంతికి ఈ చిత్రాన్ని విడుదల చేస్తారని వార్తలొచ్చాయి కానీ.. ఇప్పుడు ప్లాన్ మారిందట. సమ్మర్ కి విడుదల చేయాలనుకుంటున్నారట. వచ్చే సమ్మర్ లో ఏపీలో అసెంబ్లీ ఎన్నికలున్నాయి కాబట్టి ఆ సమయంలో విడుదలకు ప్లాన్ మార్చారట మేకర్స్. మరో ఆసక్తికరమైన విషయం ఏంటంటే.. ఇందులో పొలిటికల్ టచ్ ఉంటుందని.. బాలయ్య పొలిటికల్ జర్నీకి ఉపయోగపడేలా ఈ సినిమాని రూపొందిస్తున్నారని టాక్. ఇదే కనుక నిజమైతే.. ఈ సినిమాకు మరింత క్రేజ్ రావడం ఖాయం.
