ప్రభాస్, ప్రశాంత్ నీల్ కాంబినేషన్లో రూపొందుతున్న భారీ పాన్ ఇండియా మూవీ ‘సలార్’. ప్రభాస్ కు జంటగా శృతి హాసన్ నటిస్తున్న ఈ చిత్రాన్ని సమ్మర్ లో విడుదల చేయాలనుకున్నారు కానీ.. సంక్రాంతికి రావాల్సిన ఆదిపురుష్ జూన్ లో విడుదల కావడంతో సలార్ సెప్టెంబర్ 28న రాబోతోంది. ఈ సినిమా మొదలుపెట్టి నప్పుడు అప్ డేట్ ఇచ్చి రిలీజ్ డేట్ అనౌన్స్ చేశారు తప్ప.. ఆ తర్వాత సలార్ గురించి ఎలాంటి అప్ డేట్ లేదు.
దీంతో ప్రభాస్ అభిమానులు సలార్ టీజర్ కోసం ఆతృతగా ఎదురు చూస్తున్నారు. అయితే.. సలార్ మేకర్స్ సరికొత్త ప్రకటన చేశారు. సలార్ కి కౌంట్ డౌన్ బిగిన్స్ అంటూ సోషల్ మీడియాలో పోస్ట్ చేశారు. అయితే.. టీజర్ ఎప్పుడనేది మాత్రం చెప్పలేదు. ఈ పోస్ట్ చూస్తుంటే.. ఈ నెల్లోనే టీజర్ వస్తుందని… ఈ నెల 7న సలార్ టీజర్ రిలీజ్ అనే ప్రచారం ఊపందుకుంది. ఈ చిత్రంలో పృధ్వీ రాజ్ సుకుమారన్, శ్రియా రెడ్డి, జగపతి బాబులు కీలక పాత్రల్లో నటిస్తున్నారు.
‘బాహుబలి’ తర్వాత ప్రభాస్ నుంచి సరైన సినిమా రాలేదు. ‘సాహో’ అంతగా మెప్పించలేకపోయినా ప్రభాస్ కు ఉన్న క్రేజ్ వలన నార్త్ లో సక్సెస్ సాధించింది. ఆ తర్వాత వచ్చిన రాధేశ్యామ్, ఆదిపురుష్ చిత్రాలు భారీ ఓపెనింగ్స్ తీసుకొచ్చినా బ్లాక్ బస్టర్ కాలేకపోయాయి. దీనితో సలార్ పై అభిమానుల్లోనూ, ఇండస్ట్రీలోనూ భారీ అంచనాలున్నాయి. మరి.. సలార్ తో ప్రభాస్ సెన్సేషన్ క్రియేట్ చేస్తాడేమో చూడాలి.
