బాలనటుడిగా కెరీర్ ఆరంభించి, నటసింహం బాలకృష్ణ, బాపు, నటకిరీటి రాజేంద్ర ప్రసాద్ లాంటి ఎంతో మంది స్టార్స్‌తో వర్క్ చేసిన విశ్వ కార్తికేయ.. ఇప్పుడు హీరోగా తన అదృష్టాన్ని పరీక్షించుకుంటున్నారు. ప్రస్తుతం లైనప్ సినిమాలతో బిజీగా ఉన్నారు. అయితే ఆయన పుట్టినరోజు రావడంతో రామా క్రియేషన్స్, నాని మూవీ వర్క్స్ ప్రొడక్షన్ నెంబర్ 1 మూవీ యూనిట్ ఈ వేడుకను ఘనంగా నిర్వహించింది. సినిమా సెట్స్ లోనే నిర్వహించిన ఈ బర్త్ డే సెలబ్రేషన్స్‌లో చిత్ర యూనిట్ తో పాటు దర్శకుడు రమాకాంత్ రెడ్డి పాల్గొని ఆయనకు బెస్ట్ విషెస్ చెప్పారు.ఈ చిత్రంలో ఆయుషి పటేల్ హీరోయిన్‌గా న‌టిస్తోంది.
సస్పెన్స్ త్రిల్లర్ గా రూపుదిద్దుకుంటున్న ఈ సినిమాను డాక్టర్ కె.చంద్ర ఓబుల్ రెడ్డి, జి మహేశ్వరరెడ్డి, కాటం రమేష్ లు సంయుక్తంగా నిర్మిస్తున్నారు. హైదరాబాద్ లోని అన్నపూర్ణ స్టూడియోలో ఇటీవ‌లే పూజా కార్యక్రమాలతో ఈ సినిమా షూటింగ్ ప్రారంభమైంది. విశ్వ కార్తికేయ పుట్టిన రోజు వేడుకను రామా క్రియేషన్స్, నాని మూవీ వర్క్స్ ప్రొడక్షన్ నెంబర్ 1 మూవీ యూనిట్ ఘనంగా నిర్వహించింది.
విశ్వ కార్తికేయ చైల్డ్ ఆర్టిస్ట్ గా సుమారు 50కి పైగా సినిమాల్లో న‌టించారు. ఆ నలుగురు చిత్రంతో విమర్శకుల ప్రశంసలు అందుకున్నారు. నంది అవార్డు, ఇంటర్నేషనల్ ఫిల్మ్ ఫెస్టివల్ అవార్డు, స్టేట్ అవార్డు ఫర్ మెరిటోరియస్ అచివేమెంట్ లాంటి ఎన్నో అచీవ్‌మెంట్స్ సొంతం చేసుకున్నారు. జైసేన, కళాపోషకులు, ఐపిఎల్, అల్లంతదూరన అనే చిత్రాల‌తో ప్రేక్ష‌కుల మెప్పు పొందాడు.
ప్రస్తుతం విశ్వ కార్తికేయ.. రామా క్రియేషన్స్, నాని మూవీ వర్క్స్ ప్రొడక్షన్ నెంబర్ 1తో పాటు పాన్ ఇండియన్ సినిమా ఎన్త్ హవర్ సినిమాలు చేస్తున్నారు. అవుట్ అండ్ అవుట్ యాక్షన్ అడ్వెంచర్ గా భారీ బడ్జెట్ తో రూపొందుతున్న ఈ సినిమా చిత్రీక‌ర‌ణ శ‌ర‌వేగంగా జ‌రుగుతోంది. అతి త్వరలో ఈ చిత్ర విడుద‌ల తేదీని ప్ర‌క‌టించ‌నున్నారు.
