చిరంజీవి, మెహర్ రమేష్ ల కాంబినేషన్ లో తెరకెక్కుతున్న తొలి చిత్రం ‘భోళా శంకర్’. ఎకె ఎంటర్‌టైన్‌మెంట్స్ మెగా మాస్ యాక్షన్ ఎంటర్‌టైనర్ గా రూపొందుతున్న ఈ మూవీలో హీరోయిన్లు కీర్తి సురేష్, తమన్నాలు కీలక పాత్రల్లో నటిస్తున్నారు. ఇప్పటికే విడుదల చేసిన టీజర్, సాంగ్ కు మంచి రెస్పాన్స్ వచ్చింది. ఇక, ఆగస్టు 11న ఈ సినిమా ప్రపంచవ్యాప్తంగా భారీ ఎత్తున విడుదల కానుంది.షూటింగ్ పూర్తి చేసుకున్న ఈ చిత్రం ప్రస్తుతం పోస్ట్ ప్రొడక్షన్ పనులు శరవేగంగా జరుగుతున్నాయి.
తాజాగా ఈ చిత్రం నుంచి ‘జాం జాం జాం జాం జజ్జనక’… తెల్లార్లూ ఆడుదాం తయ్యితక్క అంటూ హుషారుగా సాగే ఓ సెలబ్రేషన్ సాంగ్ ప్రోమో రిలీజయింది. ఈ పాట పూర్తి లిరికల్ వీడియోను జులై 11న సాయంత్రం 4.05 గంటలకు విడుదల చేయనున్నట్టు చిత్ర నిర్మాణ సంస్థ వెల్లడించింది.భోళా శంకర్ చిత్రానికి మహతి స్వరసాగర్ సంగీతం అందించారు. ఇటీవల ఈ పాట మేకింగ్ వీడియోను చిత్రబృందం పంచుకుంది. సినిమాలోని ప్రధాన తారాగణమంతా ఈ పాటలో స్టెప్పులేయడం ఆ వీడియోలో కనువిందు చేసింది.
