మెగాస్టార్ చిరంజీవి – బ్లాక్ బస్టర్ డైరెక్టర్ కొరటాల శివ కాంబినేషన్లో రూపొందుతోన్న చిత్రం ‘ఆచార్య’. ఇందులో మెగా పవర్ స్టార్ రామ్ చరణ్ కీలక పాత్ర పోష్తున్నారు. చిరు సరసన కాజల్ నటిస్తే.. చరణ్ సరసన పూజా హేగ్డే నటిస్తోంది. ఈ క్రేజీ చిత్రానికి మెలోడి బ్రహ్మ మణిశర్మ సంగీతం అందిస్తున్నారు. ఈ సినిమాలోని ‘లాహే లాహే’ పాట విడుదలైనప్పటినుండి యూట్యూబ్ లో ట్రెండింగ్ గా నిలుస్తూ వస్తోంది. తాజాగా ఈ లిరికల్‌ వీడియో సాంగ్‌ మరో మైలురాయిని చేరుకుంది. 60 మిలియన్‌ వ్యూస్‌తో యూట్యూబ్‌లో ట్రెండింగ్‌లో నిలిచింది.
హారిక నారాయణ్‌, సాహితి చాగంటి ఈ సాంగ్‌ను పాడారు. ప్రముఖ నిర్మాణ సంస్థలు కొణిదెల ప్రొడక్షన్‌ కంపెనీ, మ్యాట్నీ ఎంటర్‌టైన్‌మెంట్ సంయుక్తంగా ఈ చిత్రాన్ని నిర్మిస్తున్నాయి. కరోనా కారణంగా షూటింగ్ కి బ్రేక్ పడింది. తాజా సమాచారం ప్రకారం.. ఈ సినిమా చివరి షెడ్యూల్‌ జూలై రెండో వారంలో ఉంటుందని.. కేవలం 12 రోజుల షూటింగ్ మాత్రమే బ్యాలెన్స్‌ ఉందని తెలిసింది. షూటింగ్ పూర్తి చేసుకున్న తర్వాత ‘ఆచార్య’ విడుదల ఎప్పుడు ఉంటుంది అనేది క్లారిటీ వస్తుంది.
