ప్రభాస్, ఓంరౌత్ కాంబినేషన్లో రూపొందిన భారీ చిత్రం ‘ఆదిపురుష్’. రామాయణం ఆధారంగా తెరకెక్కిన మూవీ పై అటు అభిమానుల్లోనూ, ఇటు ఇండస్ట్రీలోనూ భారీ అంచనాలు ఉన్నాయి. ప్రీ రిలీజ్ ఈవెంట్ జరిగినప్పటి నుంచి రోజురోజుకు అంచనాలు పెరుగుతున్నాయి. ప్రభాస్, కృతిసనన్, సైఫ్ ఆలీఖాన్ తదితరులు నటించిన ఆదిపురుష్ మూవీని అత్యంత ప్రతిష్టాత్మకంగా దాదాపు 500 కోట్ల భారీ బడ్జెట్ తో నిర్మించారు. ఇక ఈ చిత్రానికి 550 కోట్ల వరకు బిజినెస్ జరిగిందని తెలిసింది.
ఈ సంవత్సరంలో ఇప్పటి వరకు వచ్చిన సినిమాల కలెక్షన్స్ చూసినట్లైతే.. షారుఖ్ ఖాన్ నటించిన ‘పఠాన్’ మూవీ 1050 కోట్లు గ్రాస్ కలెక్ట్ చేసింది. ఈ సంవత్సరంలో ఇదే హయ్యస్ట్ రికార్డ్. ఈ సినిమా తర్వాత మణిరత్నం తెరకెక్కించిన పొన్నియిన్ సెల్వన్ పార్ట్ 2 చిత్రం 330 కోట్లు గ్రాస్ కలెక్ట్ చేసింది. ఇక విజయ్ హీరో వంశీ పైడిపల్లి తెరకెక్కించిన వారిసు చిత్రం 300 కోట్లు కలెక్ట్ చేసింది. ఇక చిన్న సినిమాగా రిలీజై సెన్సేషన్ క్రియేట్ చేసిన ది కేరళ స్టోరీ ఏకంగా 290 కోట్లు గ్రాస్ కలెక్ట్ చేయడం విశేషం. మెగాస్టార్ చిరంజీవి నటించిన వాల్తేరు వీరయ్య మూవీ 235 కోట్ల గ్రాస్ కలెక్ట్ చేసి బ్లాక్ బస్టర్ హిట్ సొంతం చేసుకుంది.
ఇప్పుడు ఆదిపురుష్ మెయిన్ టార్గెట్ మాత్రం పఠాన్ అని చెప్పాలి. పఠాన్ రికార్డ్ ని బ్రేక్ చేసే అవకాశం ప్రస్తుతం ఆదిపురుష్ కి ఉంది అనే టాక్ వినిపిస్తుంది. ఆదిపురుష్ మొదటి రోజు వంద కోట్ల గ్రాస్ ని ఈజీగా అందుకునే ఛాన్స్ ఉందని సినీ పండితుల అంచనా. విజువల్ ఎఫెక్ట్స్ ఆడియన్స్ కి వావ్ అనిపిస్తే.. ఈ సినిమా సరికొత్త రికార్డులు సృష్టిస్తుంది అనడంలో సందేహం లేదు. మరి.. ఆదిపురుష్.. పఠాన్ మూవీ రికార్డులను క్రాస్ చేస్తుందో లేదో చూడాలి.
