ప్రభాస్ నటించిన చిత్రం ఆదిపురుష్. ఈ చిత్రానికి ఓంరౌత్ దర్శకత్వం వహించారు. రామాయణం ఆధారంగా మూవీ చేస్తున్నారని ప్రకటించినప్పటి నుంచి ఈ సినిమా పై భారీగా అంచనాలు ఏర్పడ్డాయి. ఆమధ్య రిలీజ్ చేసిన టీజర్ కు డివైడ్ టాక్ రావడంతో మరింత శ్రద్ధగా ఈ సినిమాని రూపొందిస్తున్నారు. పోస్ట్ ప్రొడక్షన్ వర్క్ పై మళ్లీ వర్క్ చేయడంతో అదనంగా 100 కోట్లు బడ్జెట్ పెరిగిందని టాక్. ఇక ఈ మూవీని జూన్ 16న భారీ స్థాయిలో ప్రపంచ వ్యాప్తంగా రిలీజ్ చేసేందుకు ఏర్పాట్లు చేస్తున్నారు.
విడుదలకు మరో నెల రోజులే ఉండటంతో ప్రమోషన్స్ మొదలు పెట్టేందుకు సిద్ధం అవుతోంది. ఈ క్రమంలో ఈ నెల 9న త్రీడీ ట్రైలర్ తో ప్రమోషన్స్ స్టార్ట్ చేయాలని చూస్తోంది. ఆ రోజు సాయంత్రం 5.30 గంటలకు దేశ వ్యాప్తంగా పలు థియేటర్లలోఆదిపురుష్‌ ట్రైలర్ ను ప్రదర్శించాలని నిర్ణయించారని వార్తలు వస్తున్నాయి. తెలుగు రాష్ట్రాల్లో 105 థియేటర్లలో ట్రైలర్ ను రిలీజ్ చేస్తున్నట్టు ప్రభాస్ ఫ్యాన్స్ కు సంబంధించిన ట్విట్టర్ అకౌంట్ లో పోస్ట్ చేశారు. ఆదిపురుష్ పోస్టర్ తో పాటు థియేటర్ల జాబితాను షేర్ చేశారు. కాగా, దేశ వ్యాప్తంగా ఎంపిక చేసిన కొన్ని థియేటర్లలో అభిమానులకు ఒక రోజు ముందే.. అంటే ఈనెల 8వ తేదీనే ట్రైలర్ ను చూపిస్తారని ప్రచారం జరుగుతుంది.
అలాగే, మే 9న తిరుపతి, భద్రాచలంలో ఏకకాలంలో భారీ ఈవెంట్లు చేయాలని కూడా ప్లాన్ చేసినట్టు టాక్ వినిపిస్తుంది కానీ, వీటి పై అధికారిక ప్రకటన రావాల్సి ఉంది. ఈ చిత్రాన్ని ఎంతో ప్రతిష్టాత్మకంగా తీసుకుని వర్క్ చేస్తున్నారు. బాహుబలి తర్వాత ప్రభాస్ నటించిన సాహో, రాధేశ్యామ్ చిత్రాలకు ఆశించిన స్థాయిలో కలెక్షన్స్ రాలేదు. ఈ సినిమాతో భారీ విజయం సాధించాలి అనుకుంటున్నాడు. రామాయణం ఆధారంగా రూపొందిన సినిమా కావడంతో ఆదిపురుష్ పై భారీగానే అంచనాలు ఉన్నాయి.
